ސޮނާލީ ބޭންޑްރާ އަކީ ބޮލިވުޑްގެ ކާމިޔާބު ފިލްމުތަކެއް ކުޅެ ބެލުންތެރިންގެ ހިތުން ޖާގަ ހޯދައިފައިވާ ރީތި އެކްޓްރެސް އެކެވެ.
ބޮލީވުޑްގެ އެހެން ތަރިންނާއި ހިލާފަށް ގިނަ ބަޔަކު ސޮނާލީ ސިފަ ކުރަނީ، މަޑުމައިތިރި ހިތްތިރި އަދި އެހެން މީހުންނާއި ގުޅޭ ވަރަށް ލޯބި މީހެއްގެ ގޮތުގައެވެ.
ސޮނާލި އަކީ ޝޯޝަލް މީޑިއާގައި ވަރަށް ހަރަކާތެރި ތަރިއެކެވެ. ފިލްމީ ދުނިޔެ އާއި ފެޔަށް ޖެހިލި ކަމުގައިވިޔަސް އިންސްޓްގަރާމް މެދުވެރިކޮށް އޭނާ އަންނީ ފޭނުންނަށް އަބަދުވެސް އުފާވެރިކަން ގެނެސް ދެމުންނެވެ.
އެގޮތުން އޭނާ ވަނީ މީގެ 16 އަހަރު ކުރިން ލީ ހެދުމެއް ލައިގެން ފޮޓޯއެއް ނަގައި އިސްޓަގްރާމްގައި ހިއްސާ ކޮށްފައެވެ.
އެ ފޮޓޯގައި އޭނާއާއެކު ހުރީ ޖޭމްސްް ބޮންޑްގެ ރޯލު ކުޅުނު ހޮލީވުޑްގެ އެކްޓަރު ޕިއާސް ބްރޯޒްނަންއެވެ. އެހެދުން ލައިގެން އޭނާ ހުރީ އޭނާ ބަނޑުބޮޑު އިރު ކަމަށްވެސް ބުނެފައިއެވެ. އަދި އެއީ ފަސްޓް ޓްރިމެސްޓާ ކަމަށްވެސް ބުނެފައި ވެއެވެ.
ދެވަނަ ފޮޓޯގައި ފެންނަނީ އޭނާގެ ފިރިމީހާ އަދި ޑައިރެކްޓަރު ގޯލްޑީއާއެކު ހަމަ އެ ހެދުމުގައި އޭނާ ހުންނަ ތަނެވެ. އެއީ މިދިއަ 2020 ވަނަ އަހަރު ނަގާފައިވާ ފޮޓޯއެއް ކަމަށްވެސް ބުނެފައިވެއެވެ. އަދި އޭރާއި މިހާރުގެ ފޮޓޯ ތަކަކީ ސޮނާލީއަށް އެންމެ ކަމުދާ ފޮޓޯތައް ކަމަށްވެސް އޭނާ ވަނީ ބުނެފައެވެ.
View this post on Instagram
ސެލެބްރިޓީންނަކީ އާންމުކޮން އެއްފަހަރު ލާ ހެދުމެއް ދެވަނަ ފަހަރަށް ލާ ބައެއް ނޫނެނެވެ. ނަމަވެސް މިގޮތަށް ހެދުން ރިޕިޓް ކުރާ ސެލެބްރިޓީންވެސް އުޅެއެވެ.
ސޮނާލީ މިހާރު ފިލްމް ތަކުން ނުފެނުން ކަމުގައި ވިޔަސް އޭނާ އަންނީ ބައެއް ޓީވީ ޝޯ ތަކުގެ ޖަޖުކަން ކުރަމުންނެވެ.
