ހަމައެކަނި ރަށު ބަނދަރަށް އަރާފައިބާ ކެނޑިޑޭޓާއި ބައްދަލުވާނީ "ސޭޓާ ތެޔޮގުރާބާ"ކަމަށް ވިދާޅުވެ މާފަންނު އުތުރު މެދު ދާއިރާގެ މެންބަރު އިބްރާހީމް ރަޝީދު (ބޮންޑެ) ޗެއަރޕާސަން އިންތިޚާބުގައި ވާދަކުރައްވާ ފައްޔާޒް އިސްމާޢީލަށް ފާޑުވިދާޅުވެއްޖެއެވެ. އޭނާ މިފަދައިން މި ވިދާޅުވީ ފައްޔާޒާއި ރޮޒައިނާ ޖުމްހޫރީ ޕާޓީގެ ލީޑަރު ޤާސިމް އިބްރާހީމާ ބައްދަލުކުރައްވާފައިވާތީ އެކަމަށް ފާޑުވިދާޑުވިދާޅުވަމުންނެވެ.

ފައްޔާޒް ވަނީ ރާއްޖޭގެ އެންމެ އުތުރުން ދެކުނަށް ދަތުރުކޮށް ރައްޔިތުން ތިބީ ސަރުކާރާއެކުކަމަށް ހާމަވާކަމަށް ވިދާޅުވެފައެވެ.

ފައްޔާޒަށް ފާޑުވިދާޅުވެ ބޮންޑެ ވިދާޅުވީ، އެންމެ ގިނަ އަތޮޅުތަކަށް،، އެންމެ ގިނަ ރަށްތަކަށް އެންމެގިނަ ގޭގެއަށް އަދި އެންމެގިނަ އެމްޑީޕީ މެމްބަރުންނާއި ވަކިވަކިން ބައްދަލު ކުރި ކެނޑިޑޭޓަކީ އިމްތިޔާޒް ފަހުމީކަމަށެވެ. ފައްޔާޒަށް ރައްދު ދެއްވާ ބޮންޑެ ވިދާޅުވީ، ހަމައެކަނި ރަށު ބަނދަރަށް އަރާފައިބާ ކެނޑިޑޭޓާއި ބައްދަލުވާނީ "ސޭޓާ ތެޔޮގުރާބާ"ކަމަށެވެ.

އެންމެގިނަ އަތޮޅުތަކަށް އެންމެ
ގިނަ ރަށްތަކަށް އެންމެގިނަ ގޭގެއަށް އަދި އެންމެގިނަ އެމްޑީޕީ މެމްބަރުންނާއި ވަކިވަކިން ބައްދަލު ކުރި ކެނޑިޑޭޓް ތިލަފަތުގެ ރަމްޒް.!
ހަމައެކަނި ރަށު ބަނދަރަށް އަރާފައިބާ ކެނޑިޑޭޓާއި ބައްދަލުވާނީ ސޭޓާ ތެޔޮގުރާބާ !#InthiAaEku pic.twitter.com/D8g0tXs109

— Ibrahim Rasheed (@BondeM4) May 3, 2022

ޖޭޕީގެ ލީޑަރު ޤާސިމާއި ފައްޔާޒް އަދި ރޮޒައިނާ ބައްދަލުކުރެއްވުމުން ބޮންޑެ ކުރިންވެސް ފާޑުވިދާޅުވެފައިވެއެވެ. އޭނާ ވިދާޅުވީ، މިސަރުކާރުން މަސްވެރިންނަށް ހަމަ އަގު ހޯދައިދޭން ވެފައިވާ ވައުދާއި އެއްގޮތަށް އެކަން ނުކުރެވުނު ކަމަށާއި، މިހާރު އޮތް ކޯލިޝަން ސަރުކަރަކީ ވިލާ ޝިޕިންގެ ޑެސްކެއްކަމަށެވެ.

ކުރިއަށް އޮތް އެމްޑީޕީގެ ޗެއާރޕާސަންގެ އިންތިޚާބްގައި، ޖޭޕީގެ އެއްވެސް ޝަޢުގުވެރިކަމެއް ނެތް ކަމުގައި ޖުމްހޫރީ ޕާޓިން ވަނީ ބުނެފައެވެ. ޖޭޕީން ބުނީ، ޖުމްހޫރީ ޕާޓީގެ ލީޑަރާއި، ޕާޓީއަކީވެސް ހުރިހާ ސިޔާސީ ޕާޓީއަކަށްވެސް މަރުހަބާ ކިޔާނެ ޕާޓީއެއްކަމަށެވެ. ޖުމްހޫރީޕާޓީގެ ލީޑަރުގެ ޕޮލިޓިކަލް އެޑްވައިޒަރު އިލްހާމް އަހުމަދުވިދާޅުވީ ބަރުލަމާނީ ނިޒާމާއިމެދު އެމްޑީޕީގެ ބައެއް ބޭފުޅުން އުޅުއްވި ދުވަސްވަރު އެމްޑީޕީގެ ރައީސް މުހައްމަދު ނަޝީދު ޤާސިމްއާއި ބައްދަލު ކުރަން އެދުމުންވެސް މަރުޚަބާ ކިޔާފައިވާކަމަށެވެ.