އިދިކޮޅު ލީޑަރު ރައީސް ޔާމީންގެގެ ގެކޮޅު ކައިރިއަށް ބަޔަކު އެއްކޮށް ހަމަނުޖެހުން ހިންގީ އެކަމުގެ އަޑީގައި ސަރުކާރު އޮވެގެންކަމަށް ޕީޕީއެމްގެ ސެކްރެޓަރީ ޖެނެރަލް މުޙައްމަދު ޠަލާލް ވިދާޅުވެއްޖެއެވެ.
އިދިކޮޅުން ހުންގާ އިންޑިއާ އައުޓް ހަރަކާތާއި ގުޅިގެން އެކަމާއި ދެކޮޅަށް އިންޑިއާ އިންގެ ނަމުގައި ބައެއް ފަރާތްތަކުން އިއްޔެ ވަނީ ރައީސް ޔާމީންގެ ގެކޮޅު ކައިރިއަށް އެއްވެސް ރައީސް ޔާމީން ހައްޔަރުކުރުމަށް ގޮވާލާފައެވެ.
މިކަމާއި ގުޅިގެން ޠަލާލް ވިދާޅުވީ، އިއްޔެ ހަވީރު ރައީސް ޔާމީންގެ ގެކޮޅު ކުރިމައްޗަށް ބަޔަކު އެއްވެ ހަމަނުޖެހުން ހިންގިއިރު، އެކަން ހުއްޓުވަން އެއްވެސް މަސައްކަތެއް ކުރުމުގެ ބަދަލުގައި، ސަރުކާރުގެ އެންގުމަށް އެމީހުންގެ ހިމާޔަތުގައި ފުލުހުން ތިބި ތިބުން ދޭހަކޮށްދެނީ އެކަމުގެ އަޑީގައި ސަރުކާރު އޮތް މިންވަރުކަމަށެވެ.
މިއަދު ހަވީރު ރައީސް ޔާމީންގެ ގެކޮޅު ކުރިމައްޗަށް ބަޔަކު އެއްވެ ހަމަނުޖެހުން ހިންގިއިރު، އެކަން ހުއްޓުވަން އެއްވެސް މަސައްކަތެއް ކުރުމުގެ ބަދަލުގައި، ސަރުކާރުގެ އެންގުމަށް އެމީހުންގެ ހިމާޔަތުގައި ފުލުހުން ތިބި ތިބުން ދޭހަކޮށްދެނީ އެކަމުގެ އަޑީގައި ސަރުކާރު އޮތް މިންވަރު pic.twitter.com/jql8yFDvb1
— Mohamed Tholal (@Tholal) May 3, 2022
ރައީސް ޔާމީން ހުންނެވީ އިންޑިއާ އައުޓް ހަރަކާތް ހުއްޓާލައި، ސަރުކާރުން ދައްކާ ބިރަކަށް ފަސްޖެހޭ ގޮތަކަށް ނޫންކަމަށާއި، ކުރިއަށް އޮތް ތަނުގައި އިންޑިއާ އައުޓް ހަރަކާތް ވަރަށް ފުޅާކޮށް ހިންގާނެކަމަށް އިދިކޮޅުން ވަނީ ބުނެފައެވެ.
ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ އިންޑިއާ އައުޓް ހަރަކާތަކީ މިޤައުމުގެ ދިފާއުގައި ދިވެހި ރައްޔިތުން ހިންގާ ހަރަކާތެއް ކަމަށެވެ. ޤާނޫނު އަސާސީން ދިވެހި ރައްޔިތުންނަށް ލިބިދީފައިވާ ހައްގުތައް ހަނި ކުރުމަކީ މިސަރުކާރަށް ކުރެވޭނެ ކަމެއް ނޫންކަމަށް ހީނާ ވިދާޅުވިއެވެ.
އިންޑިއާ ހަރަކާތަކީ ޤައުމީ ސަލާމަތަށް އޮތް ނުރައްކަލެއްކަމަށް ބުނެ ސަރުކާރުން ވަނީ މިކަން ހުއްޓުވުމަށް ހުރިޙާ އިދާރާއަކަށް އަންގާފައެވެ. މިކަން ހުއްޓުވުމަށް ރައީސް ވަނީ ރިޔާސީ ޤަރާރެއްވެސް ނެރުއްވާފައެވެ.
