ޝާހިދު ކަޕޫރުގެ އަލަތު ވެބް ސީރީޒްގެ ނަން ރަސްމީކޮށް އިއުލާން ކޮށްފިއެވެ.
މި ސީރީޒަށް ކިޔަނީ "ފަރްޒީ" އެވެ. މިއީ ޝޫޓިން ނިންމާލައި މިހާރު ޕޯސްޓް-ޕްރޮޑަކްޝަން މަރުހަލާގައި އޮތް ސީރީޒެކެވެ. ޝާހިދުގެ ވެބް ސީރީޒް ގެނެސްދޭނީ އެމޭޒަން ޕްރައިމް ވީޑިއޯއިންނެވެ.
ގިނަ ތަރިންތަކެއް މިހާރު އަންނީ ބޮލީވުޑްގެ އިތުރުން އޯޓީޓީ ޕްލެޓްފޯމަށް ވެސް ނުކުންނަމުނެވެ. އެގޮތުން އޭ ލިސްޓްގެ ތަރިން އަންނަނީ ވެބް ސީރީޒްތައް ކުޅެމުންނެވެ.
މި ވެބް ސީރީޒާ ގުޅުވައިގެން ތަފާތު ނަންތައް މީޑިއާއިން ވަނީ ފަތުރާފައެވެ. ނަމަވެސް ވެބް ސީރީޒްގެ ފަސްޓް ލުކް ދައްކާލީ ނަމާއިވެސް އެކުގައެވެ.
"ފަރުޒީ" އަކީ ތުރިލާ އެކެވެ. މީގައި ކިޔައިދޭނީ އާދައިގެ ކުރެހުންތެރިޔަކު ކުށުގެ ވެއްޓަށް ހުށަހެޅި އެކަމުގެ ތެރޭގައި އޭނާއަށް ކުރިމަތިލާން ޖެހޭ ކަންކަމެވެ.
"ފަރުޒީ" ގެ ކާސްޓްގައި ރާޝީ ކަންނާ އާއި ވިޖޭ ސެތުޕަތީގެ އިތުރުން ކޭކޭ މެނަން، ޒާކިރު ހުސައިން އަދި ކުބްރާ ސައިތު ހިމެނެއެވެ. މި ވެބް ސީރީޒް ސްޓްރީމްކުރަން ފަށާ ދުވަހެއް އަދި އިއުލާނެއް ނުކުރެއެވެ.
ކޮމެންޓު ފޮނުވާ