"ބިގް ބޮސް 13″ އިން ވިދާލި ޝެހެނާޒް ގިލް ބޮލީވުޑަށް ނުކުންނަން ތައްޔާރުވެފައިވާ ކަމަށް ރިޕޯޓްތައް ބުނެފިއެވެ.
ޚަބަރުތައް ބުނާގޮތުގައި ޝެހެނާޒްގެ ފުރަތަމަ ހިންދީ ފިލްމަކީ ސަލްމާން އަންނަ މަހުގެ 15 ގައި ޝޫޓިންގ ފަށަން ތައްޔާރުވެފައިވާ "ކަބީ ޢީދު ކަބީ ދިވާލީ" އެވެ. ނަމަވެސް އަދި މިކަމަށް ރަސްމީ ފަރާތަކުން ވަކި ޖަވާބެއް ދީފައެއް ނުވެއެވެ.
މި އަހަރު ޑިސެމްބަރުގައި ސިނަމާތަކަށް ގެންނަށް މަސައްކަތް ކުރަމުން އަނަ ފިލްމު "ކަބީ ޢީދު ކަބީ ދިވާލީ" އަކީ އާއިލީ ޑްރާމާ އެކެވެ. މި ފިލްމުން އާއިލީ މައްސަލަ ތަކުގެ އިތުރުން ރޮމޭންސް އާއި އެކްޝަންވެސް ފެންނާނެ ކަމަށް ޚަބަރުތަށް ބުނެއެވެ.
ފަރުހާދު ސަމްޖީ ޑައިރެކްޓްކުރާ "ކަބީ ޢީދު ކަބީ ދިވާލީ" ގައި ސަލްމާންގެ ބަތަލާ އަކީ ޕޫޖާ ހެގްޅޭ އެވެ. މީގެ އިތުރުން މި ފިލްމުން ކްރިތީ ސެނޮން އާއި ސަލްމާންގެ ޅިއަނު އަޔުޝް ޝަރްމާވެސް ފެނިގެން ދާނެއެވެ.
އަޔޫޝް އަކީ ސަލްމާންގެ ކޮއްކޮ އަރްޕިތާގެ ފިރިމީހާއެވެ. އޭނާވެސް ބޮލީވުޑަށް ނެރެދިނީ ސަލްމާނެވެ. އެންމެ ފަހުން އަޔޫޝް ފެނުނީ "އަންތިމް: ދަ ފައިނަލް ޓްރޫތު" އިން ސަލްމާން ޚާނާއެކުގައެވެ.
"ކަބީ ޢީދު ކަބީ ދިވާލީ" އަކީ ސޯޝަލް ފެމިލީ ކޮމެޑީއެކެވެ. ފިލްމު ރިލީޒް ކުރަން މަސައްކަތް ކުރަމުންދަނީ މި އަހަރުގެ ޑިސެމްބަރު 30 ގައެވެ.
