19 ވަނަ ރައްޔިތުންގެ މަޖިލީހުގެ ސާފު މެޖޯރިޓީ ރައްޔިތުން އެމްޑީޕީއަށް ދިނުމުން، ފުރަތަމަ ދުވަހުން ފެށިގެންވެސް މަޖިލިސް ތެރޭގައި މަސައްކަތް ކޮށްފައިވަނީ މުޅިން އެހެން އެޖެންޑާއެއް ހާސިލް ކުރަން ކަމުގައި ރައްޔިތުންގެ މަޖިލީހުގެ ދުވާފަރު ދާއިރާގެ މެމްބަރު އިސްމާއިލް އަހުމަދު ވިދާޅުވެއްޖެއެވެ.
ވާދަވެރިކަން ބޮޑުވެފައިވާ އެމްޑީޕީގެ ޗެއާޕާސަން އިންތިޚާބުގައި އިއްސެއަކީ ފައްޔާޟަށް ތާއީދު ކުރާ، އިންތިގެ ޓީމުގެ އެންމެ ގިނަ ބަހުގެ ހަމަލާ ރައްދުވާ އެއް މެމްބަރެވެ. އިއްސެއަށް ރައްދުވާ ހަމަމަލާތަކާއި ގުޅިގެން ވިދާޅުވީ މަޖިލީހުގެ ސާފު މެޖޯރިޓީ ރައްޔިތުން ދިނުމުން ފުރުތަމަ ދުވަހުން ފެށިގެންވެސް ފެނިގެން ދިޔައީ އެހެން އެޖެންޑާއެއް ހާސިލް ކުރަން މަސައްކަތް ކުރަމުން ދިޔަތަން ކަމަށެވެ.
މަޖިލީހުގައި ކުރެވިދިޔަ މަސައްކަތްތަކުގައި އެމްޑީޕީގެ ލީޑާޝިޕާއި ފާއިއިތުވެދިޔަ ތިން އަހަރުގެ ތެރޭގައިވެސް އެމްޑީޕީގެ ސުޕަމެޖޯރިޓީ އޮތް ޕާލިމަންޓްރީ ގްރޫޕުން ބައްދަލުކޮށްފައިވަނީ އެންމެ ފަހަރަކުކަމަށް އިއްސެ ވިދާޅުވިއެވެ.
ރައްޔިތުންދެއްވި ސާފު މެޖޯރިޓީއާއިއެކު، ހުރި މައްސަލަތަކަށް ހައްލުހޯދަން އުޅުމުގެ ބަދަލުގައި ފުރަތަމަ ދުވަހުން ފެށިގެން ފެނުނީ އެހެން އެޖެންޑާއެއް ހިންގާންއުޅުނުތަން! ލާމަރުކަޒީ ބިލް މަސައްކަތަށް ފިޔަވައި ފާއިތުވި 3އަހަރު ޕާޓިިގެ ލީޑަރަސިޕާއި ޕާލިމެންޓް ގުރޫއްޕް އެއްމޭޒްވެފަނެތް.
– އިއްސެ ވިދާޅުވިއެވެ.
ލާމަރުކަޒީ އުސޫލުން އިދާރީ ދާއިރާތައް ހިންގުމަށް ޤާނޫނަށް ގެންނަން ހުށަހެޅި އިސްލާހުތައް ފިޔަވައި އެހެން ޤާނޫނުތަކާއި، މަޖިލީހުގައި ކުރެވޭ މަސައްކަތަކާއި ގުޅިގެންނާއި، އަދި އެމްޑީޕީން ވެފައިވާ ވައުދުތައް ފުއްދުމަށް އެއްމޭޒަކަށް ނުދިޔައީ ކޮން ކަމެއް ހާސިލް ވެދާނެތީތޯ ކަމުގައި އިއްސެ ވަނީ ސުވާލު އުފައްދާފައެވެ.
ލާމަރުކަޒީބިލް މަޝްވަރާ އަދި ގައުމީ މަޖިލީސް ރިޔާސަތު ބެލެހެއްޓި ފަރާތްތަކުން ދެންހުރި މައްސަލަތަކުގެ މަޝްވަރާއަށް އެއްނުކުރެއްވީ ކީއްވެތޯ؟ ނުވާ އެއްމޭޒުން، ނުހިންގައި މަޝްވަރާއިން ވީ ހުރިހާ ވައުދުތަކަށް ހައްލު ހޯދޭނެ ގޮތެއް އޮތީތޯ؟ ނޫނީ އެހެން މޮޅަކަށްޓަކާ ނުކޮށް ދޫކޮށްލީތޯ؟
– އިއްސެ ވިދާޅުވިއެވެ.
އެމްޑީޕީގެ އެތެރޭގެ އިންތިޚާބުގައި ޕާޓީގެ މިހާރުގެ ލީޑަރޝިޕަށް ވަނީ ވަރަށް ބޮޑެތި ފާޑުކިޔުންތައް އަމާޒުވެފައެވެ. ޚާއްސަކޮށް، ޕާޓީގެ އާންމު މެމްބަރުންނާއި ލީޑަރޝިޕާއި ގުޅުން ކުޑަވުމާއި، ރަށްރަށުގެ އާންމު މެމްބަރުންގެ އަޑު ލީޑާޝިޕާއި ހަމައަށް ގެންދެވޭނެ އެއްވެސް ގޮތެއް ނެތްކަމަށް ދަނީ ބުނަމުންނެވެ. މިކަންކަން ހައްލުކޮށް މެމްބަރުންގެ އަޑު އަހައިގެން ޕާޓީ ހިންގޭނީ ފަޔާ އިންތިޚާބުކޮށްގެންކަމަށް އެމްޑީޕީގެ ގިނަ މެމްބަރުން ދަނީ ބުނަމުންނެވެ.
