ކުރީގެ ރައީސް މުހައްމަދު ނަޝީދާއި، ގާތް ގުޅުމެއް އޮންނަ، ހެލްތު މިނިސްޓަރ ކެރަފާ އަހުމަދު ނަސީމްގެ ތާއީދުވެސް އެމްޑީޕީ ޗެއާޕާސަން އިންތިޚާބުގައި، އިކޮނޮމިކް މިނިސްޓަރ ފައްޔާޟު އިސްމާއިލަށް ކުރުމަށް ނިންމައިފިއެެވެ.

ނަސީމްވަނީ ފައްޔާޟާއިއެކު ނަގާފައިވަ ފޮޓޯއެއް ހިއްސާކޮށް ކާމިޔާބަށް އެދިފައެވެ. ނަސީމަކީ އެމްޑީޕީ އުފެއްދުމުގައިވެސް އިސްދައުރެއް އަދާކުރެއްވި އިސްލާހީ ހަރަކާތުގައި މުހިންމު ދައުރެއް އަދާކުރެއްވި ބޭފުޅެކެވެ. އެމްޑީޕީގެ މިނިސްޓަރުންގެ ތެރެއިން ހުރިހާ މިނިސްޓަރުންނާއި، ދައުލަރުގެ އެކި މަޤާމުގަތަކުގައި ތިބި އެމްޑީޕީގެ ގިނަ ބޭފުޅުންގެ ތާއީދު އޮތީ ފަޔާއަށެވެ.

All the best Faya. pic.twitter.com/1F2RCA0O94

— Ahmed Naseem (@KerafaNaseem) April 27, 2022

ނަސީމް މިއަދު ފައްޔާޟަށް ތާއީދު ކުރައްވާފައިވާއިރު، ރައީސް ނަޝީދު ވަނީ ސިއްޚީ ދާއިރާ ހަރުދަނާ ކުރުމަށް ސަރުކާރުން މަސައްކަތް ކުރަންޖެހޭ ކަމަށް ވިދާޅުވެ ޓުވީޓެއް ކުރައްވާފައެވެ. ސިއްޙި ދާއިރާ ރަނގަޅުކުރުމަށް ރައީސް ނަޝީދަށް ފެނިވަޑައިގަންނަވާ ކަންކަމާއި ގުޅޭގޮތުން އެމަނިކުފާނު ކުރެއްވި ޓްވީޓްގައި ވިދާޅުވީ، އަމިއްލަ ފަރާތްތަކަށް ހޮސްޕިޓަލް ހިންގުމަށް އިތުރު ފުރުޞަތުތައް ވަރަށް ބޭނުންތެރިކަމަށެވެ. އަދި ބޭރުގެ ހޮސްޕިޓަލް ޗެއިންތައް ރާއްހެއަށް ގެނެވޭނެކަމަށްވެސް ރައީސް ނަޝީދު ވިދާޅުވިއެވެ.

މާލެއިން ލިބެން ހުންނަ ސިއްޙީ ޚިދުމަތްތައް އަތޮޅު ތެރެއަށް ފުޅާކުރުމަކީ ސަރުކާރުގެ މުހިއްމު ސިޔާސަތެކެވެ. އަދި އިތުރު ޚިދުމަތްތައް ރާއްޖެއަށް ތަޢާރަފްކުރުމަކީވެސް ޚާއްސަ އިސްކަމެއްދީގެން ސަރުކާރުން ކުރިއަށްގެންދާ މަސައްކަތެކެވެ. ރާއްޖޭގެ ސިއްޙީ ނިޒާމު ހަރުދަނާކުރުމަށް ދުނިޔޭގެ ސިއްޙަތު ޖަމިއްޔާއާއި އެހީދޭ ޤައުމުތަކާއި ޖަމިއްޔާތައް ގުޅިގެން ސަރުކާރުން އަންނަނީ މަސައްކަތް ކުރަމުންނެވެ. މިގޮތުން މާލެއާއި އަތޮޅުތެރޭގެ ސިއްޙީ ޚިދުމަތްތަކުގެ ފެންވަރު ރަނގަޅުކުރުމަށްޓަކާ ހޮސްޕިޓަލްތައް އަޕްގްރޭޑްކުރުމާއި ވަޞީލަތް ހަމަކުރުމުގެ މަސައްކަތްވެސް އަންނަނީ ކުރަމުންނެވެ.

އެމްޑީޕީގެ ޗެއަރޕާރސަން އިންތިޚާބުގައި ވާދަ ކުރައްވަމުން ގެންދަވަނީ ރައްޔިތުންގެ މަޖިލިހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީއާއި އިކޮނޮމިކް މިނިސްޓަރު ފައްޔާޒު އިސްމާއީލެވެ. އަދި މި ވާދަވެރި ކެމްޕޭންގައި ރައީސް ސާލިހުގެ ތާއީދު ފައްޔާޒު އިސްމާއިލަށް އޮތްއިރު، ނަޝީދު ވަނީ އިމްތިޔާޒު ފަހުމީއަށް ތާޢީދު ކުރައްވާކަން ހާމަކޮށް، ކެމްޕޭނުގައި އެއްވެސް މުވައްޒިފަކަށް ވަޒީފާގެ ބިރު ދައްކައިފިނަމަ، ފާޅުގައި އިމްތިޔާޒު ފަހުމީގެ ކެމްޕޭންގައި ނިކުންނަވާނޭ ކަމުގެ އިންޒާރުވެސް ދެއްވާފައެވެ.