މިދިއަ މާރިޗް މަހުގެ 11 ވަނަ ދުވަހު ރިލީޒް ކުރި "ދަ ކަޝްމީރު ފައިލްސް"އަކީ ބޮޑު ކާމިޔާބެއް ލިބުނު ކުޑަ ބަޖެޓް ފިލްމެކެވެ.
ފިލްމަށް ލިބުނު ހީނުކުރާ ވަރުގެ ބޮޑު ކާމިޔާބީއާއެކު ޑައިރެކްޓަރ ވިވެކް އަގްނީހޯތުރީގެ "ދަ ކަޝްމީރު ފައިލްސް" އަންނަ މެއި މަހުގެ 13 ގައި ޒީ5 އިން ޕްރިމިއާ ކުރާގޮތަށް ވަނީ ނިންމާފައެވެ.
މި ފިލްމާއެކު ވިވެކް ވަނީ އިންޑިއާގެ އެންމެ ނަން މަޝްހުރު ޑައިރެޓަރުންގެ ލިސްޓުން ގާޖަ ހޯދާފައެވެ. އަދި އޭލިސްޓްގެ ގިނަ ތަރިންތަކެއް ތިބީ ވިވެކާއެކު މިހާރު މަސައްކަތް ކުރުމަށް ކެތް މަދުވެފައެވެ.
"ކަޝްމީރު ފައިލްސް" އަކީ އުންމީދު ކުރި ވަރަށްވުރެ ބޮޑު ތަރުހީބެއް ލިބިގެން ދިޔަ ފިލްމެކެވެ. އަދި ފިލްމުގެ މޮޅު ކަމާއި އެކްޓަރުންގެ އެކްޓިންއަށް ވަރަށް ބޮޑަށް ވަނީ ތައުރީފް ލިބިފައެވެ.
އެންމެ 15 ކަރޯޑް ރުޕީސްގެ ބަޖެޓަކުން ހެދި މި ފިލްމުގެ މުހިންމު ރޯލުތަކުން ފެނިގެން ދަނީ މިތުން ޗަކްރަބަތީ، އަނޫޕަމް ކޭރް، ދަރްޝަން ކުމާރު، ޕައްލަވީ ޖޯޝީ، ޗަމްނީ މަންޑްލޭކަރް، ޕްރަކާސް ބަލްވާކީ އަދި ޕުނީރު އިސާރެވެ.
