ލީގުގައި ބާކީ ހަތަރު މެޗު ނުކުޅެ އޮއްވާ ޕީއެސްޖީން ފްރާންސް ލީގު ކާމިޔާބުކޮށްފިއެވެ.
ބާކީ ހަތަރު މެޗު އޮއްވައި ޕީއެސްޖީން ފްރެންޗް ލީގުގެ ޗެމްޕިއަންކަން ހޯދުމާ އެކު އެ ޓީމުން ވަނީ ސެއިން އެޓިއެންގެ ކާމިޔާބީގެ ރެކޯޑާ ހަމަކޮށްފައެވެ. ދެ ޓީމުން ވެސް ވަނީ ޖުމްލަ 10 ފަހަރު ފްރެންޗް ލީގު ޗެމްޕިއަންކަން ހޯދައިފައެވެ.
މެޗުގައި ފުރަތަމަ ލަނޑުޖަހާ ލީޑު ނެގީ ޕީއެސްޖީންނެވެ. ދެވަނަ ހާފުގެ 68 ވަނަ މިނެޓުގައި ޕީއެސްޖީއަށް ލަނޑު ޖަހައިދިނީ ލިއޮނެލް މެސީއެވެ. ނަމަވެސް ލެންސްގެ ޖީން ވަނީ މެޗު ނިމެން ދެމިނެޓަށްވެފައި ވަނިކޮށް ލަނޑެއް ޖަހާ ނަތީޖާ ހަމަހަމަ ކޮށްފައެވެ. ލެންސްގެ ޑަންސޯއަށް ރަތް ކާޑޫ ދެއްކުމުން ދެވަނަ ހާފުގެ 57 ވަނަ މިނެޓުން ފެށިގެން އެޓީމު ކުޅުނީ 10 ކުޅުންތެރިންނާއެކުއެވެ.
ރޭގެ ނަތީޖާއާ އެކު މިއީ ޕީއެސްޖީ ކޯޗަކަށް ހުރި އާޖެންޓީނާގެ މައުރީސިއޯ ޕޮޗެޓީނޯގެ ކޯޗިން ކެރިއަރުގައި ލީގެއް ކާމިޔާބު ކުރެވުނު ފުރަތަމަ ފަހަރެވެ. އަނެއްކޮޅުން، ޕީއެސްޖީގެ ތަރި މެސީ މި ވަނީ އޭނާގެ ކެރިއަރުގައި ފުރަތަމަ ފަހަރަށް ސްޕެނިޝް ލީގު ނޫން ލީގެއް ކާމިޔާބުކޮށްފައެެވެ.
#????????????????????????????????????❤️???? pic.twitter.com/oxtPFhijbq
— Paris Saint-Germain (@PSG_English) April 23, 2022
މިއީ ގަތަރުގެ މަހުޖަނު ނާސިރު އެލް ހެއްލާފީ ޕީއެސްޖީއާ ހަވާލުވި ފަހުން އެ ޓީމުން ލީގު ކާމިޔާބުކުރި އަށް ވަނަ ފަހަރެވެ. އަދި މިިދިޔަ 10 އަހަރު ތެރޭ ލީގު ކާމިޔާބުކުރާ އަށް ވަނަ ފަހަރު ވެސް މެ އެވެ. ޕީއެސްޖީ އޮތީ ލީގުގެ ދެ ވަނައިގައި އޮތް މާސޭ އަށް ވުރެ 16 ޕޮއިންޓް ކުރީގަ އެވެ. ޕީއެސްޖީ އަށް 34 މެޗުން 78 ޕޮއިންޓް ލިބިފައިވާއިރު، މާސޭގެ އޮތީ 33 މެޗުން 62 ޕޮއިންޓެވެ.
