ދީނީ ޢިލްމުވެރިޔާ އަރަބިއްޔާ ސްކޫލުގެ ޓީޗަރު ޝައިޚު ޒަމްޒަމް ފާރިޝް އެއް މަސްދުވަހަށް ސަސްޕެންޑް ކޮށްފައިވަނީ ރާއްޖޭގައި ދެމުންދާ ޢަރަބި އިސްލާމީ ތައުލީމް ފޮހެލުމަށް ކުރާ މަސައްކަތުގެ ތެރެއިންކަމާށް ދީނީ ޢިލްވެރިޔާ ޑރ.މުހައްމަދު އިޔާޟު ވިދާޅުވެއްޖެއެވެ.
ބައެއް ކަންކަމުގައި ޚިޔާލު ތަފާތުވީނަމަވެސް، ޝައިޚު ޒަމްޒަމް ފާރިޝް އަދާކުރައްވަމުންދާ ވަޒީފާއިން ކުއްލި ގޮތަކަށް ސަސްޕެންޑް ކުރުމާއި ގުޅިގެން ޒަމްޒަމްގެ ދިފާއުގައި ޝައިޚު ޑރ.އިޔާޟު ވިދާޅުވީ މިއީ ސީދާ ރާއްޖޭގައި ޢަރަބި އިސްލާމީ ތައުލީމާއި ދެކޮޅަށް އެޑިއުކޭޝަން މިނިސްޓްރީ ތެރޭގައި ތިބި ބަޔަކު ކުރަމުންދާ މަސައްކަތުގެ ތެރެއިން މަސައްކަތެއްކަަމަށެވެ.
މިއީ ޢަރަބި އިސްލާމީ ތަޢުލީމު ފޮހެލުމަށް އެޑިއުކޭޝަންގެ ތެރޭގައި ބަޔަކު ހިންގާ މުޑުދާރު ޖަރީމާތަކެއްގެ ބައެއް. މާތް ރަސްކަލާންގެ އަޅަމެންނަށް ކެތްތެރިކަމާއި ޘާބިތުކަން ދެއްވާށި. މަކަރު ވެރިންގެ ރޭވުންތައް ފެއިލްކުރައްވާ އެބައިމީހުން ނިކަމެތި ކުރައްވާށި. އާމީން.
– ޑރ.އިޔާޟު ވިދާޅުވިއެވެ.
އިޔާޟު ވިދާޅުވީ ޝައިޚު ޒަމްޒަމް ފާރިޝްއަކީ ރާއްޖޭގައި ދީނީ އިލްމު އުގަންނައި ދެއްވައި ދީނީ ހޭލުންތެރިކަން އިތުރު ކުރުމަށް އުގުނުކުރެވޭ މަސައްކަތްތަކެއް ކުރައްވާ ބޭފުޅެއްކަމަށެވެ. މިފަދަ ބޭފުޅުންގެ މަސައްކަތް ހުއްޓުވައި، ދީނީ ހޭލުންތެރިކަން ކުޑަކުރުމަށް ކުރެވޭ މަސައްކަތްތަކަކީ ކާމިޔާބު ވާނެ މަސައްކަތްތަކެއް ނޫންކަމަށް ޝައިޚު ވިދާޅުވިއެވެ.
ޝައިޚް ޒަމް ޒަމް ފާރިޝް އާއި ބައެއްކަހަލަ މައްސަލަތަކުގައި ޚިޔާލު ތަފާތުނަމަވެސް އޭނާ އަކީ ދީނީ އިޞްލާޙީ މަސްއްކަތްތަކުގައި ވަރަށް އިޚްލާޞްތެރި ތެދުވެރި ވަފާތެރި ބޭފުޅެއް. ދެ ޙާފިޡުންގެ ބައްޕައެއް. އެޑިއުކޭޝަން މިނިސްޓަރީން އޭނާ އާއި މެދު އަޅާފައިވާ ޣައިރު ޤާނޫނީ ފިޔަވަޅުގެ އަޞްލަކީވެސް އެއީ. މާތް ރަސްކަލާންގެ އަށް ތަޤްވާވެރިވެއްޖެމީހާ އަށް މަގުދައްކަވާނެކަމާއި ހީވެސް ނުކުރާ ގޮތްގޮތަށް ރިޒްޤު ތަނަވަސް ކޮށްދެއްވާނެކަމުގެ ޔަގީންކަން ޤުރްއާނުގައި ދެއްވާފައިވޭ. ޒަމްޒަމް ފާރިޝް ކަންބޮޑުވެ ނުލައްވާތި. އެޑިކޭޝަން މިނސްޓްރީއަށް ވަޒީފާ ހިފެހެއްޓުނަސް މާތް ރަސްކަލާންގެ ރިޒްޤު ބަންދެއް ނުކުރެވޭނެ.
– ޑރ.އިޔާޒު ވިދާޅުވިއެވެ.
ޒަމްޒަމް ފާރިޝްގެ ދިފާއުގައި ނުކުންނެވި ޑރ،އިޔާޟަކީ ދިވެހިރާއްޖޭގެ ގައުމީ ޔުނިވާސިޓީގައި އަދާކުރަމުންދާ ވަޒީފާއިންވެސް ސަސްޕެންޑުކޮށް އެކި އުގަދޫ ޖައްސާފައިވާ އިލްމުވެރިއެކެވެ. ނަމަވެސް ޑރ.އިޔާޟު ވަނީ ސަސްޕެންޑް ކުރުމުންވެސް ސާބިތު ކަމާއިއެކު ސޯޝަލް މީޑިއާގައި ހައްގުބަސް ބުނެ ވާހަކަ ދައްކަވާފައެވެ.
