ކުރީގެ ބޮލީވުޑްގެ މަޝްހޫރު ބަތަލާ ކަރިޝްމާ ކަޕޫރު އޭނާގެ ކުރިއަށް އޮތް ފިލްމީ މަސައްކަތް އިއުލާން ކޮށްފިއެވެ.
އޭނާގެ އާ ޕްރޮޖެކްޓަކީ އަބިނޭ ޑިއޯ ޑައިރެކްޓް ކުރާ ވެބްސީރީޒެކެވެ. ޕްރޮޖެކްޓް "ބްރައުން"ގެ ނަން ދީފައިވާ މި ވެބްސީރީޒްގެ ޝޫޓިން ވެސް ފަށާފައިވާއިރު ކަރިޝްމާ ވަނި އިންސްޓަގްރާމްގައި މިކަން އިއުލާން ކޮށްފައެވެ.
ޒީ ސްޓޫޑިއޯގެ ތައްގަނޑުގައި ނެރޭ މި ސީރީޒަކީ "ސިޓީ އޮފް ޑެތް" ވާހަކައިގެ މައްޗަށް ބިނާކޮށް ހަދާ ވެބް ސީރީޒެކެވެ.
View this post on Instagram
ކަރިޝްމާ އެންމެ ފަހުން ފެނިގެން ގޮސްފައިވަނީ 2020ގެ ވެބް ސީރީޒް "މެންޓަލްހުޑް" އިންނެވެ. ކަރިޝްމާ ކަޕޫރު ވަނީ ކައިވެންޏަށްފަހު ބޮލީވުޑުން ގެއްލިފައެވެ. ނަމަވެސް 2003 ވަނަ އަހަރު ކުރި ކައިވެނި 2016 ވަނަ އަހަރު ރޫޅުމާއި އެކު އަނެއްކާވެސް އޭނާ އަންނަނީ ބޮލީވުޑްގައި ކުރިން ހޯދި މަގާމް ހޯދޭތޯ މަސައްކަތް ކުރަމުންނެވެ.
ނަމަވެސް ކުރިން ލިބުން ފަދަ ކާމިޔާބެއް އޭނާއަށް މި ހާރު ބޮލީވުޑްގައި ނުހޯދި، މަދު ފިލްމުތަކެއް ކުޅެން ފުރުސަތު ލިބެއެވެ. އަދި އެ ފިލްމް ތަކަކީ ބެލުންތެރިންގެ މާބޮޑު ތަރުހީބެއް ލިބޭ ފިލްމުތަކެއްވެސް ނޫނެވެ.
