ޔޫތު މިިސްޓަރަކަށް ހުންނަވައިގެން ކުރައްވަންޖެހޭ މަސައްކަތް ނުކުރެވި ޒިންމާތަކުން ރެކުމަށް މަސައްކަތް ނުކުރުމަށް ށ.ފުނަދޫ ކައުންސިލުން ޔޫތު މިނިސްޓަރ އަހުމަދު މަހުލޫފަށް ގޮވާލައިފިއެވެ.
ރައްޔިތުންގެ މަޖިލީހަށް ޖަވާބުދާރީ ވުމުގެ ގޮތުން މިނިސްޓަރ އަޙްމަދު މަޙްލޫފު ފުނަދޫ ކައުންސިލް ބަދުނާމު ވާގޮތަށް ކަމުގެ ޙަޤީޤަތް އޮޅުވާލައިގެން ވާހަކަ ދައްކަވާފައިވާތީ އެކަން ކުށްވެރިކޮށް ފުނަދޫ ކައުންސިލުގެ އިދާރާއިން ވަނީ ބަޔާނެއް ނެރެފައެވެ.
ފުނަދޫ ކައުންސިލުން ނެރުނު ބަޔާނުގައި ބުނެފައިވަނީ ކައުންސިލުން މިހާތަނަށް ރަށުގެ ތަރައްޤީއަށް ސަރުކާރުގެ އެއްވެސް އިދާރާއަކުން ކުރަން ބޭނުންފުޅުވި އެއްވެސް ކަމަކަށް ހުރަސްއަޅާފައެއް ނުވާނެކަމީ ފުނަދޫގެ ރައްޔިތުން ދަންނާނެ ހަޤީގަތެއްކަމަށެވެ. އަދި މިނިސްޓްރީ އޮފް ޔޫތު، ސްޕޯރޓްސް އެންޑް ކޮމިޔުނިޓީ އެމްޕަވަރމެންޓްގެ ފަރާތުން ނުވަތަ އެނޫންވެސް އިދާރާއަކުން ރަށުގެ ތަރައްޤީއަށް މިހާތަނަށް ކުރައްވަން ބޭނުންފުޅުވި ކޮންމެ ކަމެއްގައި، ކައުންސިލުގެ މައްޗަށް އޮންނަ ޤާނޫނީ ޒިންމާއާއި ބާރު އަދި އިޚްތިޔާރަށް ފުށުއެރުމެއްނުވާ ގޮތުގެމަތީން އެއްބާރުލުން ދީފައިވާނެކަމުގެ ޔަޤީންކަން ވަނީ ދީފައެވެ.
މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެންޕަވާމަންޓުން އެދުނު އެއްވެސްކަމެއްގައި ފަސްޖެހިފައި ނުވާނެކަމީ އެމިނިސްޓްރީންގެ އިސްވެރިން ހެކިވާނެ. މިނިސްޓަރު މަޙްލޫފުގެ ވާހަކަފުޅުން ފާހަގަވެގެން ދިޔައީ އެމަނިކުފާނުގެ ޒިންމާގެ ދަށުން ކުރަންޖެހޭ މަސައްކަތް ނުކުރެވި މަސައްކަތް ލަސްވެގެން ދިއުމުގެ ޒިންމާއިން ރެކިވަޑައިގެން ސިޔާސީ މަންފާއަށްޓަކައި ފިތުނަ އުފެއްދުމަށް އިއްޒަތްތެރި މެންބަރުގެ ކުރިފުޅުމަތީ ފާޅުކަން ބޮޑުގޮތެއްގައި ހެއްދެވި އިތުރުފުޅެއްގެ ގޮތުގަ.
– ފުނަދޫ ކައުންސިލުން ބުނެފައިވެއެވެ.
އިއްޔެގެ މަޖިލީހުގައި ފުނަދޫގައި ހުރި ޔޫތު މިނިސްޓްރީއާއި ގުޅުންހުރި ކަންކަމާއި ގުޅޭގޮތުން މަހުލޫފާއި ސުވާލު ކުރުމުން، ވިދާޅުވީ ފުނަދޫ ކައުންސިލަކީ މިނިސްޓްރީއަށް އެއްވެސް އެއްބާރުލުމެއް ނުދޭ ކައުންސިލެއް ކަމަށެވެ.
