ވަރުން ދަވަންގެ ކުރިއަށް އޮތް ފިލްމު "ބަވާލް"ގެ ސެޓުގައި އޭނާ އުޅެނިކޮށް ނަގާފައިވާ ފޮޓޯތަކެއް އާންމުވެއްޖެއެވެ.
މި ފިލްމްއަކީ ވަރުން އާއި ޖަންވީ ކަޕުރު އެކުގައި ފެނިގެންދާ ފުރަތަމަ ފިލްމެއެވެ. މި ވަގުތު ފިލްމްގެ ޝޫޓިންގ ކުރިއަށް ދަނީ ލަކްނޯގައެވެ.
ލަކްނޯގެ މަގުމަތީގައި ނަގާފައިވާ މި ފޮޓޯތަކުގައި ވަރުން ފެންނަނީ ސައިކަލެއްގައި އިންނަތަނެވެ. ވަރަށް ތަފާތު ގޮތަކަށް ވަރުން ފެންނަ އިރު ޖާންވީ މި ފޮޓޯތަކުން ފެންނާކަށް ނެތެވެ.
ސާޖިދް ނަޑިއާޑްވާލާ ޕްރޮޑިއުސް ކުރާ މި ފިލްމަކީ ލޯބީގެ ފިލްމެކެވެ. އިންޑިއާގެ 3 ސަރަހަދެއްގެ އިތުރުން ޔޫރަޕްގެ 5 ގައުމެއްގައި މި ފިލްމުގެ ޝޫޓިންގ ކުރިއަށް ގެންދާނެއެވެ.
މިއީ ވަރުން އާއި ޖާންވީގެ އަލަތު ފިލްމް ކަމުން ގިނަބަޔަކު އަންނަނީ ފިލްމަށް އިންތިޒާރު ކުރަމުންނެވެ.
ނިތޭޝް ތިވާރީ ޑައިރެކްޓްކުރާ މި ފިލްމު ސިނަމާތަކަށް ގެންނަން ތާވަލް ކޮށްފައިވަނީ އަންނަ އަހަރުގެ އެޕްރިލްް 7 އަށެވެ.
