ޑައިރެކްޓަރ ރާޖްކުމާރު ހިރާނީގެ ކުރިއަށް އޮތް ފިލްމްގެ މަސައްކަތް ޝާހްރުކް ޚާން ފަށައިފިއެވެ.
މިހާތަނަށް އޭނާ ގެންދިޔައީ ފިލްމު "ޕަތާން"ގެ މަސައްކަތް ކުރަމުންނެވެ. އެ ފިލްމް އަކީ 2018ގެ "ޒީރޯ" އަށް ފަހު ޝާހްގެ އެނބުރި ބޮޑުސްކްރީނަށް އަންނަ ފިލްމެއެވެ. "ޕަތާން"ގެ ޝޫޓިންގ މިހާރު ވަނީ ނިންމާލައިފައެވެ. އަދި އެއާއެކު ޝާހްވަނީ ހިރާނީގެ ފިލްމުގެ ޝޫޓިންގ ފަށާފައެވެ.
އަދި ވަކިނަމެއް ދީފައިނުވާ މި ފިލްމުގެ ޝޫޓިންގ މި މަހުގެ 15 ގައި މުމްބާއީގައި ފަށާފައި ވާކަމަށް ރިޕޯޓްތައް ބުނެއެވެ.
މި ފިލްމަށް ނަމެއް ނުދޭތާގައި ފިލްމުގެ ލީޑުން ފެނިގެންދާނީ އަދި ކޮން ބަތަލާއެއް ކަމެއްވެސް ހާމައެއް ނުކުރެއެވެ.
ނަމަވެސް މި ފިލްމަކީ މީގެ ދެތިން އަހަރެއް ކުރިން ހިރާނީ މަސައްކަތް ކުރަން ފަށާފައިވާ ޕްރޮޖެކްޓެކެވެ.
