ބޮލިވުޑްގެ ކުރީގެ މަޝްހޫރު ބަތަލާ ކަރިޝްމާ ކަޕޫރު ވަރަށް އަވަހަށް ކައިވެނި ކުރާނެ ކަމަށް ރިޕޯޓްތައް ބުނެފިއެވެ.
މިވާހަކަ ދެކެވެން ފެށީ އާލިއާ ބަޓްގެ"ކަލީރާ" ކަރިޝްމާގެ ބޯ މައްޗަށް ވެއްޓުމާއި ގުޅިގެންނެވެ. އާލިއާ އާއި ރަންބީރު ކަޕޫރުގެ ކައިވެނި މިދިއަ ބުރާސްފަތި ދުވަހު އޮތް އިރު އެ ހަފްލާގެ ތެރެއިން ނަގާފައިވާ ފޮޓޯތަކެއް ކަރީޝްމާ ވަނީ އިންސްޓްގްރާމްގައި ޕޯސްޓް ކޮށްފައެވެ.
View this post on Instagram
މި ފޮޓޯތައް ޕޯސްޓު ކުރުމާއެކު ގިނަ ބަޔަކު ވަނީ ކަރިޝްމާ ވަަރަށް އަވަހަށް ކައިވެނިކުރަން އުޅޭކަމަށް ބުނެފައެވެ.
ކަލީރާއަކީ އިންޑިއާގައި ކައިވެނި ކުރާ އަންހެން ކުއްޖާގެ އަތުގައި އަޅާފައިވާ އުޅާބައިގާ އެލުވާފައި އޮންނަ އެއްޗެކެވެ. "ކަލީރާ" މީހެއްގެ ގަޔަށް ވެއްޓިއްޖެ ނަމަ، އެ މީހަކީ ހުއްސަރިބައި މީހެއް ނަމަ އެއީ ދެން އެންމެ އަވަހަށް ކައިވެނި ކުރާނެ މީހާގެ ގޮތުގައި އިންޑިއާގައި ބުނެއުޅެއެވެ. ކަރިޝްމާ މީގެ ކުރިން މީހަކާ އިން ނަމަވެސް އޭނާ މިވަގުތު ހުރީ ހުއްސަރިބަޔަށެވެ.
ކަރިޝްމާ އާއި ވިޔަފާރިވެރިޔާ ސަންޖޭ ކަޕޫރް 2003 ގައި ކުރި ކައިވެނި ރަސްމީކޮށް ރޫޅުނީ 2016 ގައެވެ. އެކައިވެނިން އެމީހުންނަށް ވަނީ އަންހެން ކުއަޖަކާއި ފިރިހެން ކުއްޖެއް ލިބިފައެވެ.
