ބޮލީވުޑްގެ ކުރީގެ މަގުބޫލު އެކްޓްރެސް ސަމިރާ ރެއްޑީ އާއިލާއާއެކު ރާއްޖެ އަތުވެއްޖެއެވެ.
ހޯމަ ދުވަހު އާއިލާ އާއެކު ރާއްޖެއައި ސަމިރާ ޗުއްޓީ ހޭދަކުރަމުންދަނީ ޖޭ ޑަބްލިއު މެރިއޮޓް މޯލްޑިވްސް ރިސޯޓްގައެވެ. އަދި ޗުއްޓީގެ ގިނަ ފޮޓޯތަކާއި ވީޑިއޯ އޭނާ ގެންދަނީ އިންސްޓަގްރާމް މެދުވެރިކޮށް ހިއްސާކުރަމުންނެވެ.
View this post on Instagram
"ރޭސް" އާއި "މުސާފިރު" އަދި "މޭނެ ދިލް ތުޖް ކޮ ދިޔާ" ފަދަ ރީތި ފިލްމުތައް ކުޅެފައިވާ ބަތަލާ ފިލްމު ކުޅުން ހުއްޓާލީ ކައިވެންޏަށް ފަހުއެވެ.
ސަމީރާ އާއި ވިޔަފާރިވެރިއާ އަކްޝައި ވާޑޭ ކައިވެނި ކުރީ 2014 ވަނަ އަހަރުއެވެ. އަދި މި ކައިވެނިން ވަނީ އެދެމަފިރިންނަށް ދެ ކުދިންވެސް ލިބިފައެވެ. އެއީ އަންހެން ކުއްޖަކާއި ފިރިހެން ކުއްޖެކެވެ.
ބަނޑުބޮޑު ވުމާއި އެކު އޭނާގެ ހަށިގަނޑަށް އައި ބަދަލުތަކުގެ ސަބަބުން ގިނަ ބައެއްގެ ފާޑުކިއުން ލިބި، ޑިޕްރެޝަނަށް ދިޔަ ކަމަށް ސަމީރާ ވަނީ މީގެކުރިން ބުނެފައެވެ. އަދި ބޮލީވުޑްގެ ފިލްމުތައް ކުޅުނު އިރު ހުރި ލޫޅާފަތިކަން ގެއްލި ގިނަ ބައެއްގެ މަލާމާތް ރައްދު ވުމުން އޭނާ ވަނި ބޮޑީ ޕޮޒިޓިވިޓީ އާއި ބެހޭގޮތުން މީހުން އޭލުންތެރި ކުރުމުގެ މަސައްކަތް ކޮށްފައެވެ.
މިހާރު އެއްވެސް ގޮތަކަށް ފިލްމަކުން ނުފެންނަ ސަމީރާގެ އަމިއްލަ ޔޫޓިއުބް ޗެނަލެއް ހިންގައެވެ.
