ޖުމްހޫރީ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޤައުމާއި މުޚާޠަބުކުރައްވައި ދެއްކެވި ވާހަކަތަކުން ކުރިއަށް އޮތް އަހަރުގެ މިސްރަބު ސާފުވެ އުންމީދު އާވެގެން ގޮސްފައިވާކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ޖުމްހޫރީ ދުވަހުގެ ތަހުނިޔާ ދިވެހި ރައްޔިތުންނަށް އަރިސްކުރައްވައި ފޮނުވި މެސެޖްގައި ކުރީގެ ރައީސް މުހައްމަދު ނަޝީދު ވިދާޅުވީ ރައީސް ޞާލިހުގެ ދެއްވި ޚިތާބުން ޤައުމުގެ މިސްރާބު ކުރިއަށް ގެންދިއުމަށް އެމަނިކުފާނު ޕްލައިން ކުރައްވާފައިވާ ގޮތާއި، މިސްރާބު ސާފު ވެފައިވާކަމަށެވެ. އަދި ކުރިއަށް އޮތް އަހަރުގެ މިސްރާބު ސާފުވެ ރައްޔިތުންގެ އުންމީދުތައް އާވެގެން ގޮސްފައިވާކަމަށް ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ ރައީސްގެ ޚިތާބުން ޤައުމާއިމެދު ކުރެވެމުންދާ އުންމީދުތަކަށް އިތުރު ހިއްވަރުލިބި މިސަރުކާރުން ރައްޔިތުންނަށް ވެފައިވާ ވައުދުތައް ރަނުން ރަނަށް ފުއްދައި ދެވޭނެ ކަމުގެ ފުރިހަމަ ޔަގީންކަމާއި އިތުބާރު ލިބިފައިވާކަމަށެވެ.
Raajjeyge 52 vana Jumhooree Dhuvahuge thahniya enme beyfulhunnah ariskuran. Miadhuge munaasbathgai RJ @ibusolih dhevvi khithaab in kuriyah oiy aharuge misraabu saafuve rayyithunge ummeedh aavaane. Maaiy Allah ge iraadhafulhun ranun ranah vaudhuthah fuhdheyne. Shukuriyya Raees pic.twitter.com/BUxlPhc0tE
— Mohamed Nasheed (@MohamedNasheed) November 11, 2020
ރައީސް ޞާލިހު މިއަދު ޤައުމާއި މުޚާތަބު ކުރައްވައި ވިދާޅުވެފައިވަނީ ކޯވިޑް-19އާއެކު ކުރެވުނު ތަޖުރިބާތަކަށް ބަލާއިރު، ކުރިއަށް އޮތް އަހަރަކީވެސް ގޮންޖެހުންތައް ގިނަ، ދަތިކަން ބޮޑު އަހަރަކަށް ވެދާނެ ކަމުގައެވެ. ރައީސުލްޖުމްހޫރިއްޔާ ވިދާޅުވީ ކޯވިޑް-19ގެ ސަބަބުން ލިބެމުންދާ އިޤްތިޞާދީ ގެއްލުންތަކަކީ، ފަސޭހައިން ފޫބެއްދޭ ވަރަށްވުރެ ބޮޑެތި ގެއްލުންތަކެއްކަމަށެވެ. އެހެންކަމަށް ވުމާއެކު ކުރިއަށް އޮތް އަހަރު، ސަރުކާރުން އެންމެބޮޑު އިސްކަމެއް ދޭނީ، އިޤްތިޞާދީ ތަދުމަޑުކަމުން އަރައިގަތުމަށް މަސައްކަތް ކުރުމަށް ކަމުގައެވެ.
ރައީސް ވިދާޅުވީ ކޯވިޑް-19އާ އެކު، އަނެއްކާވެސް ޔަޤީންވެގެން ދިޔައީ، ރާއްޖޭގެ އިޤްތިޞާދު ހަމައެކަނި ފަތުރުވެރިކަމަށް ބަރޯސާ ވެފައިއޮތް އޮތުމަށް ނިމުމަކަށް ގެނެސް އެހެން ދާއިރާތަކުންވެސް މަސައްކަތް ފަށަން ޖެހިފައިވާ ކާމަށެވެ. އިޤްތިޞާދު ސިންދަފާތު ކުރުމުގެގޮތުން، މަސްވެރިކަމާއި ދަނޑުވެރިކަން ތަރައްޤީކުރުމަށް، އަންނަ އަހަރުގެ ތެރޭގައި، ޚާއްޞަ މަސައްކަތްތަކެއް ކުރެވޭނެ ކަމަށެވެ.
