މިރޭ އިޙްޔާ ފޯރަމްގައި ތަޤްރީރުކުރައްވާނީ ޑރ. އިބްރާހީމް ޒަކަރިއްޔާ އަދި ޑރ. އަނާރާ

މިރޭ އިޙްޔާ ފޯރަމްގައި ތަޤްރީރުކުރައްވާނީ ޑރ. އިބްރާހީމް ޒަކަރިއްޔާ އަދި ޑރ. އަނާރާ ނައީމް ކަމުގައި އިސްލާމިކް މިނިސްޓްރީން ބުނެފިއެވެ.

މިރޭ އޮންނަނީ ރަމަޟާންމަހުގެ ރޭތައް އިޙްޔާކުރުމަށް ކުރިއަށްގެންދާ އިޙްޔާ ފޯރަމްގެ 5 ވަނަ ޕްރޮގްރާމެވެ. މިރޭގެ މައުޟޫޢުއަކީ ”ހަށިގަނޑާއި ފުރާނައަކީ އަމިއްލަ މިލްކެއް ނޫން” މި މައުޟޫޢުއެވެ.

ކޮންމެ އާދިއްތަ، ބުރާސްފަތި އަދި ހުކުރު ދުވަހުގެ ރޭ ބާއްވާ އިޙްޔާ ފޯރަމްތައް ކުރިއަށްދާނީ ކޮންމެ ރެއަކުވެސް 21:30 އިން 22:30 އަށެވެ. އާދިއްތަ އަދި ބުރާސްފަތި ދުވަހު އިޙްޔާ ފޯރަމްތައް ކުރިއަށްދާނީ މާލެ ސިޓީ، އިސްލާމީ މަރުކަޒުގައެވެ.

ހުކުރު ދުވަހުގެ ރޭގެ އިޙްޔާ ފޯރަމްތައް ކުރިއަށް ގެންދާނީ ރާއްޖޭގެ އެކި އަތޮޅުތަކުގައެވެ. އެގޮތުން 8 އޭޕްރީލްގައި ކުޅުދުއްފުށި ސިޓީގައި އިޙްޔާ ފޯރަމް ބާއްވާފައިވާއިރު ދެން އެންމެ އަވަހަށް މި ފޯރަމް އޮންނާނީ 15 އޭޕްރީލްގައި އައްޑޫ ސިޓީގައި، 22 އޭޕްރީލްގައި ފުވައްމުލަކު ސިޓީގައި، އަދި 29 އޭޕްރީލްގައި ރ. ދުވާފަރުގައެވެ.