ޑހހއ.ދިއްދޫ މިޑްލް ސްޕޯޓްސް ކުލަބުން އިންތިޒާމް ކޮށްގެން އެ ރަށުގައި ބާއްވަމުން އަންނަ "ލިބޭ ދިއްދޫ އެންމެ އަލިގަދަ ތަރި 1443″ ޤުރުއާން މުބާރާތުގެ ފައިނަލް ބުރުން ފުރުޞަތު ލިބުނު ބައިވެރިންގެ ނަންތައް ހާމަކޮށްފިއެވެ.
މުބާރާތުގެ ފުރަތަމަ ބުރުން ދެވަނަ ބުރަށް ހޮވުނު ދިހަ ބައިވެރިންނާއިއެކު، ދެވަނަ ބުރު ކުރިއަށް ގެންގޮސްފައި ވަނީ 07 އޭޕްރިލް 2022 ވީ ބުރާސްފަތި ދުވަހުގެ ރެއާއި 08 އޭޕްރިލް 2022 ވީ ހުކުރު ދުވަހުގެ ރެއެވެ. މުބާރާތުގެ ދެވަނަ ބުރުގެ ދެވަނަ ރޭ ވަނީ، މުބާރާތުގެ ދެވަނަ ބުރުން އެންމެ ރަނގަޅު ނަތީޖާ ހޯދި ފަސް ބައިވެރިން ހޮވާފައެވެ. އަދި މީގެ އިތުރުން މުބާރާތުގެ 10،9،8،7،6 ވަނައަށް ހޮވުނު ބައިވެރިންގެ ނަންތައް އިއުލާންކޮށް އެ ބައިވެރިނަށް ވަނީ އިނާމް ހަވާލުކޮށްފައެވެ. މި ވަނަތަކަށް ހޮވުނު ބައިވެރިންނަށް އިތާފުށި ރިސޯޓްގައި މަސައްކަތްކުރާ ދިއްދޫ މުވައްޒަފުންނާއި ވަން އެންޑް އޮންލީ ރީތި ރަށުގައި މަސައްކަތްކުރާ ދިއްދޫ މުވައްޒަފުން ހުށަހެޅި ފައިސާގެ އިނާމްތައް ވެސް ވަނީ ހަވާލުކޮށްފައެވެ.
މުބާރާތުގެ ދިހަ ވަނައަށް އާމިނަތު ޝާޔާ މުޙާއްމަދު ޝާހިދު، މާގަލަ/ ހދ.ދިއްދޫ ހޮވުނުއިރު، ނުވަ ވަނައަށް ހޮވިފައި ވަނީ މަރްޔަމް އަޒާ އާދިލް، ޖީޒާ/ ހއ.ދިއްދޫއެވެ. މުބާރާތުގެ އަށް ވަނައަށް ޢާއިޝަތު ޝައުރާ މުޙައްމަދު، ޝެހެނާވިލާ/ ހއ.ދިއްދޫ ހޮވުނުއިރު، ހަތް ވަނައަށް ހޮވިފައި ވަނީ ޢާއިޝަތު ރީސް ނަސީމް، ވައްޓަރު ހއ.ދިއްދޫ އެވެ. އަދި މުބާރާތުގެ ހަވަނައަށް ހޮވިފައި ވަނީ ޢާއިޝަތު އަސްވާ އަޙްމަދު، އަސްރަފީގެ/ ހއ.ދިއްދޫއެވެ.
މުބާރާތުގެ ފައިނަލް ބުރަށް ހޮވުނު ފަސް ބައިވެރިން ދެން ވާދަކުރާނީ 15 އޭޕްރިލް 2022 ވާ ހުކުރު ދުވަހުގެ ރޭ 21:30 ގައި ހއ.އަތޮޅު ތަޢުލީމީ މަރުކަޒުގެ ތިލަ އުތުރު މާލަމުގައި އޮންނަ މުބާރާތުގެ ގްރާންޑް ފިނާލޭގައެވެ. އެ ޝޯގައި މުބާރާތުގެ 5،4،3،2 ވަނަ ހޮވުމުގެ އިތުރުން ދިއްދޫގެ އެނެމް އަލިގަދަ ތަރި ހޮވާނެއެވެ.
މުބާރާތުގެ ފައިނަލް ބުރަށް ހޮވިފައިވާ ބައިވެރިންނަކީ:
• ޢަބްދުﷲ ޒައިން ބިން މުޙައްމަދު، ޝެހެނާއީ/ ހއ.ދިއްދޫ
• އާމިނަތު ޝިޢުރާ އިބްރާހީމް، ޝެހެނާވިލާ/ ހއ.ދިއްދޫ
• ބައްސާމާ ސުލައިމާން، ފުނަކުރި/ ހއ.ދިއްދޫ
• ހުސައިން ޝަހުބާން، މީނާޒް/ ހދ.ދިއްދޫ
• މަރްޔަމް ނާޔާ އަޙްމަދު، އަސްރިފާހައުސް/ ހއ.ދިއްދޫ
މި މުބާރާތަކީ ޓީވީއެމްއިން ކޮންމެ އަހަރަކު ރަމަޟާން މަހު ގެނެސްދޭ "ދިވެހިރާއްޖޭގެ އެންމެ އަލިގަދަ ތަރި" ޤުރުއާން މުބާރާތުގެ ކޮންސެޕްޓަށް ކުރިއަށް ގެންދާ މުބާރާތެކެވެ. މި މުބާރާތުން އެއްވަނައަށް ހޮވޭ ފަރާތަކަށް އުމްރާ ދަތުރެއް ދިނުމަށް ވަނީ ހަމަޖެހިފައެވެ.
މި މުބާރާތުގެ މެއިން ސްޕޮންސަރ އަކީ ދިއްދޫގައި ފުޅާ ދާއިރާއެއްގައި އާންމު މުދާ ވިއްކަމުން އަންނަ ފިހާރައެއް ކަމުގައިވާ "ލިބޭ" ފިހާރައެވެ. އިތުރު ޕާޓްނަރުންގެ ގޮތުގައި މުބާރާތައް އެހީތެރިކަން ފޯރުކޮށްދޭ ފަރާތްތަކުގެ ތެރޭގައި ޔަލަމްލަމް ހައްޖު އެންޑް އުމަރާ، އެންޒެޑް، ސަން އޮފް ސެއިލަރ، ނިއުމަތް ދޯނި، ދިއްދޫ ކުރިމަގު ޖަމިއްޔާ، އީޒީ ފިލިން، އިހަވަންދޫ ބާބަކިއު ހަޓް، ދިއްދޫ އޮންލައިން، ކުޅުދުއްފުށީ ޑަބްލިއު ކުރާފްޓް، ދިއްގާ ފައުންޑޭޝަން، ދިއްދޫ ޕޮލިސް، ހއ.އަތޮޅު ކައުންސިލް، ހއ.އަތޮޅު ތަޢުލީމީ މަރުކަޒު، ހއ.ދިއްދޫ ކައުންސިލް، ދިއްދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިތުރުން އަލްޓްރާ ފެޝަން ހިމެނެއެވެ.
އިތުރު ޕާޓްނަރުންގެ ގޮތުގައި މުބާރާތައް އެހީތެރިކަން ފޯރުކޮށްދޭ ފަރާތްތަކުގެ ތެރޭގައި ހއ.އަތޮޅު ކައުންސިލް އިދާރާ، ދިއްދޫ ކައުންސިލް އިދާރާ، އެންޒެޑް ފިހާރަ، ނިއުމަތް، ދިއްދޫ ޕޮލިސްޓޭޝަން، ދިއްގާ ފައުންޑޭޝަން، ދިއްދޫ ކުރިމަގު، ހއ.އަތޮޅު ތަޢުލީމީ މަރުކަޒުގެ އިތުރުން ސަން އޮފް ސެއިލާރސް ހިމެނެއެވެ.
