ސައުތު ފިލްމު އިންޑަސްޓްރީގެ ސުޕަރސްޓާ މަހޭޝް ބާބޫ ބޮލީވުޑްގައި މަސައްކަތް ކުރަން ޝައުގުވެރިކަން ނެތް ކަމަށް ބުނެފިއެވެ.
ބޮލީވުޑްގެ ފިލްމުތަކާއި އެއްވަރަށް ނުވަތަ އެއަށްވުރެވެސް ބޮޑަށް މިހާރު އަންނަނީ ސައުތު އިންޑިއާގެ ފިލްމު އިންޑަސްޓްރީއަށް މަގުބޫލުކަން ލިބެމުންނެވެ. އެހެންކަމުން ސައުތުގެ ތަރިންގެ މަޝްހޫރު ކަންވެސް މާބޮޑެވެ. އޭގެ މިސާލަކީ އެންމެ ފަހުން ރިލީޒް ކުރި "އާރްއާރްއާރް" އަދި "ޕުޝްޕާ" ފަދަ ފިލްމުތަކެވެ.
ސައުތުގެ މަޝްހޫރު އެތައް ތަރިންނެއް އަންނަނީ ބޮލީވުޑްގައިވެސް އެމީހުންގެ ފައިތިލަ ސާބިތު ކުރަމުންނެވެ. އަދި މަޝްހޫރު ތަރިންނަށް ބޮލީވުޑުން ވަަރަށް ފަސޭހައިން ފުރުސަތުވެސް ލިބެއެވެ.
އެހެންކަމުން މަހޭޝްފަދަ މަގުބޫލު އެކްޓަރަކަށް ބޮލީވުޑުން ފުރުސަތު ހޯދުން އެއީ އުނދަގޫ ކަމެއް ނޫނެވެ. މިހާތަނަށް އެތަށް ފުރުސަތެއް ލިބިފައިވެސް އެބަހުއްޓެވެ. ނަމަވެސް މަހޭޝް އެ ފުރުސަތު ބޭނުމެއް ނުވެއެވެ. މިކަމާ ގުލޭގޮތުން އޭނާ ބުނެފައިވަނީ ހިންދީ ފިލްމުތަކުގައި މަސައްކަތްކުރަން ބޭނުންނުވާ ކަމަށާއި ދެކުނު އިންޑިއާގެ ފިލްމުތައް ވެސް މިހާރު މުޅި ދުނިޔޭގައި ވަރަށް މަޝްހޫރު ކަމަށެވެ. އަދި ގިނަ ބަޔަކު އެ ފިލްމުތައް ބަލާ ކަމަށް ވެސް ވަނީ ބުނެފައެވެ.
Mahesh Babu Reply To Media About His Bollywood Entry. pic.twitter.com/T8iJlJ1487
— Naveen MB Vizag ???? (@NaveenMBVizag) April 6, 2022
މީ ކޮންއިރެއްގެ ވީޑިއޯއެއް ކަމެއް ސާފެއް ނުވެއެވެ. މަހޭޝް ވަނި "ބާހޫބަލީ" އާއި "އާރްއާރްއާރް" ފަދަ ކާމިޔާބު ފިލްމުތައް އުފައްދާފައިވާ ކުޅަދާނަ ޑައިރެކްޓަރ، އެސްއެސް ރާޖަމޯލީގެ ކުރިއަށް އޮތް ފިލްމަށް ސޮއިކޮށްފައެވެ.
