ކޮންމެ މީހެއްގެ ވެސް މާޒީއެއް އޮންނާނެ ކަމަށާއި އިރުއިރު ކޮޅުން އެވާހަކަ ދަކަން ނުޖެހޭ ކަމަށް ބުނެ ބަތަލާ އާލިއާ ބަޓް ނުރުހުން ފާޅުކޮށްފިއެވެ.
މި މަހުގެ 17 ގައި އެކްޓަރ ރަންބީރު ކަޕޫރާ ކައިވެނީގެ ގޮށް ޖެހުމަށް ތައްޔާރީތަށް ވަމުން އަންނަ ބަތަލާ މިފަދައިން ވާހަކަ ދައްކައިފައިވަނީ ރަންބީރުގެ ކުރީގެ ލޯބިވެރިންގެ ވާހަކަ މީޑީއާގައި މާގިނައިން ދައްކާ ކަމަށް ބުނެއެވެ.
ރަންބީރު ކަޕޫރުގެ ލޯބިވެރިންގެ ލިސްޓް ވަރަށް ދިގެވެ. އަދި މާޒީގައި ލޯބިވެރިންނަށް ބޭވަފާތެރި ވެފައި ވަނީ އޭނާކަމަށް ޚުދު ރަންބީރު ވަނީ އިއުތިރާފް ވެފައެވެ.
އާލިއާ ބުނިގޮތުގައި ކޮންމެ މީހެއް ކަމުގައި ވިއަސް މާޒީގައި އެމީހަކު އުޅެފައި ހުރި ގޮތަށް ބަލައި ފާޑު ކިޔުމަކީ ވަރަށް ނާތަހުޒީބު ކަމެއް ކަމަށެވެ. އަދި ރަންބީރްގެ ލޯބިވެރިންގެ ލިސްޓް ކިތެންމެ ދިގު ކަމުގައި ވިއަސް އޭނާ އެކަމަށް ސަމާލުކަން ނުނދޭކަމަށް ވަނީ ބުނެފައެވެ.
މީގެ ފަސް އަހަރު ކުރިން މި ދެރިން ރައްޓެހިވީ އެމީހުން އެކުގައ ކުޅެން ފެށި ފިލްމް "ބްރަމަސްތުރާ" ގެ ސެޓުންނެވެ. އެކި އެކި ސަބަބު ތަކާ ހުރެ އެފިލްމުގެ ޝޫޓިންގ ނިންމުމަށް ވެސް 5 އަހަރު ނެގިއެވެ. އަދި އެ ދިގު 5 އަހަރުގެ މުއްދަތުގައި ރަންބީރާއި އާލިއާ މިހާރު ތިބީ ކައިވެންޏަކާ ހަމައަށް އާދެވިފައެވެ.
