އަދާލަތު ޕާޓިގެ ލޯގީ ޖަހައިގެން މާލޭގެ މިސްކިތެއްގައި ދަރުސް ދިނުމުން ފާޑުކިޔުން އަމާޒުވެއްޖެއެވެ.
މާލޭގެ މިސްކިތްތަކުގައި އެއްވެސް ސިޔާސީ ފިކުރެއް ޕްރޮމޯޓްކޮށް ލޯގޯ ޖަހައިގެން ދަރުސް ދިނުމަކީ މަނާކަމެކެވެ. ނަމަވެސް އަދާލަތު ޕާޓިގެ ލޯގޯއާއެކު މަސްޖިދު ޝަހީދު ޢަލީގައި މިއަދު ދަރުހެއް ދިނުމުން ބައެއް މީހުންގެ ފާޑުކިޔުން އަމާޒުވެފައިވެއެވެ.
މިކަމާއި ގުޅިގެން މާލެ ސިޓީކައުންސިލްގެ ހުޅުމާލެ ދާއިރާގެ މެންބަރު އިބްރާހީމް ޝުޖާޢު ވިދާޅުވީ، ސިޔާސީ ޕާޓީތަކަށް މިސްކިތްތަކުގައި ޕާޓީގެ ލޯގޯ ޖަހައިގެން ދަރުސް ނުދެވޭނެ ކަމަށާއި، ސިޔާސީ ޕާޓީ ތަކަށް ދަރުސް ދެވޭނީ މިސްކިތްތައް ނޫން ތަންތަނުގައި އެކަނި ކަމަށް އިސްލާމިކް މިނިސްޓަރ ވިދާޅުވީ އިއްޔެކަމަށެވެ. ނަމަވެސްމިއަދު މަސްޖިދު ޝަހީދު ޢަލީގައި ޕާޓީ އަކުން ލޯގޯ ޖަހައިންގެން ދަރުސް ދީފައިވާކަން ޝުޖާއު ފާހަގަކުރެއްވިއެވެ.
ދަރުސް ދެމުން އެބަ ގެންދެއެވެ.މިސަރުކާރުގެ ލަދު ކުޑަކަމާއި،ހަޔާތްކުޑަ ކަން މިހެރަ ފެންނަނީ އެވެ.@ProgressPartyMV ކަމަކަށް އެދުމުން ހާދަހާވާ ބިރު މިމީހުން އެބަ ގަނެއެވެ.ރައްޔިތުން މިސަރުކާރުގެ ނިންމަން ބޭނުންވަނީ މިފަދަ ސަބަބު ތަކާހުރެކަން ކަށަވަރެވެ.@MohamedNasheed @ibusolih
— Ibrahim Shujau (@IbrahimShujaau) April 8, 2022
ރާއްޖޭގައި މިސްކިތްތަކުގައި ދީނީ ދަރުސް ދިނުމާއި ދީނީ މައުލޫމާތު ދިނުން އަބަދުވެސް ކުރިއަށް ގެންދެއެވެ. ޚާއްޞަކޮށް ރަމަޟާން މަހު މިސްކިތްތަކުގައި ދީނީ ދަރުސް ދިނުން ކުރިއަށް ދެއެވެ. ނަމަވެސް އެއްވެސް ސިޔާސީ ޕާޓީއެއް ނުވަތަ ފިކުރެއް މިހާތަަނަށް ފާޅުކޮށްފައިވާތަން ފެނިފައި ނުވެއެވެ.
