ޔުއެފާ ޗެމްޕިއަންސް ލީގުގެ ކުއާޓާ ފައިނަލު ފުރަަތަމަ ލެގުގައި ލިވަޕޫލްއިން ބޮޑު މޮޅަކާއިއެކު ސެމީގެ އުންމީދު ބޮޑުކޮށްފިއެވެ.
ބެންފީކާގެ ޑްރަގާއޯ ސްޓޭޑިއަމްގައި ރޭ ކުޅުނު މެޗުގައި ލިވަޕޫލުން ވަނީ 34 މިނިޓް ތެރޭ ދެ ގޯލުގެ ލީޑެއް ނަގައިފައެވެ. މެޗުގެ 17 ވަނަ މިނިޓްގައި އެންޑީ ރޮބަޓްސަން ނެގި ކޯނަރަކުން ލިވަޕޫލަށް ލީޑުނަގައިދިނީ އިބްރާހިމާ ކޮނާޓޭއެވެ. މިއީ ޒުވާން ޑިފެންޑަރު، ކޮނާޓޭ ލިވަޕޫލަށް ޖަހައިދިން ފުރަތަމަ ގޯލެވެ. ދެ ވަނަ ގޯލު ޖެހީ މެޗުގެ 34 ވަނަ މިނިޓްގައި ސަޑިއޯ މާނޭއެވެ. މިއީ އޭރިއާތެރެއަށް މަތިން ހުރަސްވި ބޯޅައަކުން ލުއިސް ޑިއާޒް ހުސްކޮށްލާފައި ދިން ބޯޅައަކުން މާނޭ ޖެހި ގޯލެކެވެ.
އެންޑީ ރޮބަޓްސަން ނެގި ކޯނަރެއް ބޮލުން ޖަހައި ލިޕަޕޫލްގެ ފުރަތަމަ ލަނޑު މެޗުގެ 17 ވަނަ މިނިޓުގައި ކާމިޔާބު ކޮށްދިނީ މި ސީޒަނުގައި އެޓީމަށް ބަދަލުވި ފްރާންސްގެ ޑިފެންޑަރު އިބްރާހިމް ކޮނާޓޭ، 22، އެވެ. މިއީ މިދިޔަ ހަތަރު ސީޒަންގައި ޖަރުމަންގެ އާރުބީ ލައިޕްޒިގަށް ކުޅުމަށް ފަހު ލިވަޕޫލަށް ބަދަލުވެ މިހާތަނަށް ކުޅުނު 20 މެޗުން އޭނާ ޖެހި ފުރަތަމަ ލަނޑެވެ. އަދި މިއީ ޗެމްޕިއަންސް ލީގުގައި އޭނާާ ޖެހި ފުރަތަމަ ލަނޑު ވެސް މެ އެވެ.
ލިވަޕޫލްގެ ތިންވަނަ ލަނޑު 87 ވަނަ މިނިޓުގައި ޖަހައިދިނީ ލުއިސް ޑިއާޒްއެވެ. ނަބީ ކެއިޓާ ދިން ބޯޅައެއް ހޯދައި އޭނާ މި ލަނޑު ޖެހީ ގޯލްކީޕަރު ކައިރިން ވެސް ނައްޓާފައި ބޯޅަ ގޯލަށް ފޮނުވާލައިގެންނެވެ.
އަންނަ ހަފްތާގެ ބުދަ ދުވަހުގެ ރޭ ކުޅޭ ކުއާޓާ ފައިނަލުގެ ދެވަނަ ލެގުގެ ކުރިން، އަންނަ އާދިއްތަ ދުވަހުގެ ރޭ އިނގިރޭސި ޕްރިމިއާ ލީގުގައި މެންޗެސްޓާ ސިޓީ އާއި ލިވަޕޫލް ބައްދަލުކުރާނެއެވެ. ސިޓީގެ ދަނޑުގައި ކުޅޭ މި މެޗް ވާނީ ލީގު ޗެމްޕިއަންކަން ކަނޑައެޅުމުގައި މުހިއްމު މެޗަކަށެވެ.
ލިވަޕޫލަށް އަންނަ ހަފްތާގައި އަމިއްލަ ދަނޑުގައި ކުޅޭ ދެ ވަނަ ލެގުގައި އެއް ގޯލުން ބަލިވެގެން ވެސް ސެމީގެ ފުރުސަތު ހޯދޭނެއެވެ. ބެންފީކާ އަށް ސެމީ ފައިނަލްގެ ފުރުސަތު ލިބޭނީ ތިން ގޯލުން މޮޅުވެގެން ނޫނީ ދެ ގޯލުން މޮޅުވެ، މެޗު ޕެނަލްޓީން ކާމިޔާބު ކޮށްގެންނެވެ.
