މިދިއަ މަހު ބަނޑުބޮޑުކަން އިއުލާން ކުރި ބޮލީވުޑްގެ ބަތަލާ ސޯނަމް ކަޕޫރު އޭނާގެ ބޭބީ ބަމްޕް ފެންނަ، ފޮޓޯތަކެއް އިންސްޓަގްރާމްގައި ހިއްސާކޮށްފިއެވެ.
ހަ ޔާޑްގެ، ނޫޑްކުލައިގެ ހެދުމުގައި އޭނާ ހުރީ ވަރަށް ސްޓައިލިޝްކޮށެވެ. އިންޑިއާގެ ސާރީ ސްޓައިލްގެ ހެދުމުގައި ހުރިއިރު ބަނޑުން ވެސް ބައެއް ހުރީ ފެންނާށެވެ. އެހެން ކަމުން އޭނާގެ ބޮޑުވަމުން އަންނަ ބަނޑު ވަރަށް ރީތިކޮށް ފެންނަން ހުއްޓެވެ.
View this post on Instagram
ބޮލީވުޑްގެ ފެޝަނިސްޓަރގެ ގޮތުގައި މަޝްހޫރު ބަތަލާގެ މިފަހަރުގެ ލުކަކީ ރެޑްކާޕެޓް ލުކްއެއް ކަމަށް ގިނަ ބަޔަކު ވަނީ އެއްބަސް ވެފައެވެ.
ޑިޒައިނާ އަބޫ ޖާނީގެ އުފަންދުވަހުގެ ޕާޓީއަށް ދިއުމަށް އޭނާ ލައިގެން ހުރި މި ހެދުމަކީ ވެސް އަބޫ ޖާނީގެ ޑިޒައިނެކެވެ.
ސޯނަމް އޭނާ ބަނޑުބޮޑު ކަން ހާމަކޮށްފައިވަނީ މާރިޗު 21 ގައި އިންސްޓަގްރާމްގައި ހިއްސާ ކުރި ފޮޓޯ އަކާއި އެކުގައެވެ. އެފަހުން އޭނާ އަންނަނީ އޭނާގެ ބަނޑުފެންނާނެ ފަދަ ފޮޓޯތައް ހިއްސާ ކުރަމުންނެވެ.
