އިންޑިއާގެ މަޝްހޫރު ކޮމޭޑިއަން ބާރްތީ ސިންގ އާއި އޭނާގެ ފިރިމީހާ ހަރްޝް ލިމްބާޗިޔާއަށް ފިރިހެން ކުއްޖެއް ލިބިއްޖެއެވެ.
މިއީ މި ދެމީހުންގެ އަލަތު ދަރިފުޅެވެ. އިންސްޓަގްރާމްގައި ހަރްޝް ކުރި ޕޯސްޓެއްގައި ފިރިހެން ކުއްޖެއް ލިބުނުކަން ވަނީ ހާމަކޮށްފައެވެ.
View this post on Instagram
ދަރިފުޅާއެކު ނަގާފައިވާ ފޮޓޯއެއް އިންސްޓަގްރާމްގައި ހަރްޝް ހިއްސާ ކުރިނަމަވެސް އެކުއްޖާ އޮތީ ވަށިގަނޑަކަށް ލާފައެވެ. އެހެން ކަމުން ތުއްތު ދަރިފުޅުގެ މޫނު ފެންނަން ނެތެވެ.
މި ފޮޓޯ ހިއްސާ ކުރުމާއި އެކު ގިނަ ބަޔަކު އަންނަނީ އެ ދެމީހުނަށް މަރުހަބާ ކިޔަމުންނެވެ.
ހަރްޝް އާއި ބާރްތީ ކައިވެނި ކުރީ 2017 ވަނަ އަހަރު ގޯއާގައެވެ. ބާރްތީ އަކީ އިންޑިއާގެ މަޝްހޫރު ކޮމެޑީ ޝޯ "ދަ ކަޕިލް ޝަރުމާ ޝޯ" އިން ވެސް ފެނިގެންދާ ފަންނާނެކެވެ.
މީގެ އިތުރުން ބާރްތީ އަކީ ގިނަ ޝޯތަކެއް ވެސް ހޯސްޓު ކުރާ ފަންނާނެކެވެ. މި ފަހުން މިދެމަފިރިން އެކުގައި އަންނަނީ "ހުނަރުބާޒް" ކިޔައި ޝޯއެއް ވެސް ހޯސްޓު ކުރަމުންނެއެވެ.
