އައްޑޫ ސިޓިގައި ހަ އަހަރުގެ ކުޑަ އަންހެންކުއްޖަކަށް ޖިންސީ ގޯބާކުރި މައްސަލައިގެ ތުހުމަތުގައި އަންހެނަކު ހައްޔަރުކޮށްފައިވަނީ ފްރޭމްކޮށްގެންކަމަށް ބުނާ މައްސަލައިގެ ހަގީގަތް ހޯދުމަށް އައްޑޫ މީދޫ ދާއިރާގެ މެންބަރު ރޮޒައިނާ އާދަމް، ރައްޔިތުންގެ މަޖިލީހުގެ ހިއުމަން ރައިޓްސް ކޮމިޓީއަށް ހުށައަޅުއްވައިފިއެވެ.
މި މައްސަލއާއި ގުޅޭގޮތުން ރޮޒައިނާ ވިދާޅުވީ 6 އަހަރުގެ ކުއްޖާގެ މައްސަލާގައި އަންހެނަކު ހައްޔަރުކޮށްފައިވާއިރު، މި މައްސަލައާއި ގުޅުންހުރި އެކި ވާހަކަތަ އެކި ގޮތްގޮތަށް ދެކެވޭތީ މިކަމުގެ ހަގީގަތް ކަމާބެހޭ ފަރާތްތަކުން އޮޅުންފިލުވުމަށް ހިއުމަން ރައިޓްސް ކޮމިޓީގެ ބައްދަލުވުމެއް މާދަމާ ބާއްވަ އެދިފައިވާކަމަށެވެ.
6 aharuge kujjaa ge massalaigai anhenaku hayyaru koffaa vaa iru mi massalaya gulhun huri eki vaahaka eki gothah dhekeveythee mikamuge hageegai, kamaa behey faraaithakun olhunfiluvumah HR committee ge bahdhaluvumeh maadhan baahvaa dhinumah alhugandu edhefin.
— ???????? ???????????????????????????? ???????????????? ???? (@Roxeyna) April 3, 2022
އަދި މި މައްސަލާގައި މާދަމާ ކޮމިޓީގެ ބައްދަލުވުމެއް ބާއްވާދޭނެކަމުގެ ޔަޤީންކަން ކޮމިޓީގެ މުގައްރިރު ޖީހާން މަހްމޫދު ދެއްވާފައިވާކަމަށްވެސް ރޮޒައިނާ ވިދާޅުވިއެވެ.
މިހާރުވެސް މިކަމާ ގުޅޭ މަޢޫލޫމާތު ލިޔެކިއުމުން ހޯދުމަށް ކޮމިޓީގެ އެންމެ ފަހުގެ ބައްދަލުވުމުން އޮތީ ނިންމާފަ.
– ރޮޒައިނާ އާދަމް
ރޮޒައިނާ ވިދާޅުވީ، މި މައްސަލައިގެ ހަގީޯގަތް އެނެގެން ޖެހޭކަމަށާއި، ބައެއް ފަރާތްތަކުން މި މައްސަލަ ސިޔާސީކޮށް އިކޮނޮމިކް މިނިސްޓަރ ފައްޔާޒް އިސްމާޢީލްގެ އިސްތަށިފުޅުގައި އަޅުވަމުންދާކަމަށެވެ. އެކަމާ ހިތާމަކުރައްވާކަމަށާއި، މިފަދަ ހައްސާސް މައްސަލަތައް ސިޔާސީ ކުރުމަކީ ވަރަށް ނުރައްކާތެރިކަމެއްކަމަށްވެސް ރޮޒައިނާ ވިދާޅުވިއެވެ.
ނަމަވެސް ކަމުގެ ހައްސާސްކަމުން މަޖިލީހަށް ކަމާގުޅޭ ފަރާތްތައް ވަޑައިގެން މަޢުލޫމާތު ދެއްވާ ރައްޔިތުންގެ ކަންބޮޑުވުންތަކަށް ވަގުތުން ޖަވާބު ލިބުން މުހިންމުކަމުގައި ދެކެން. ކުށެއް ނެތް މީހަކަށް އެންމެ ހިނދުކޮޅަކުވެސް ނުހައްގުން އަދަބެއް ލިބޭކަމަށް އަޅުގަނޑު ހަމަ ޤައިމުވެސް ނޭދެން.
– ރޮޒައިނާ އާދަމް
Namaves kamuge hassaas kamun majleehah kamaa gulhey faraaithah vadain mauloomaathu dhevvaa rayyithunge huri kanboduvun thakah vaguthun jawaabu libun muhimmu kamugai dheken. Kusheh neiy meehakah enme hindhukolhakuves nuhaggun adhabeh libeykah alhugandu hama gaimuves neydhen.
— ???????? ???????????????????????????? ???????????????? ???? (@Roxeyna) April 3, 2022
ރޮޒައިނާ މިހެން ވިދާލުވެފައިވާއިރު، މި މައްސަލާގަިއ ހައްޔރުކޮށްފައިވަނީ ފްރެމްކޮށްގެންކަމށް ބުނެ އައްޑޫގެ ވަރަށް ގިނަ ބަޔަކު ބައިވެރިވެ ވަނީ އިހްތިޖާޖުކޮށްފައެވެ. މި މައްސަލާގައި އައްޑޫ މޭޔަރު ޢަލީ ނިޒާރު ވިދާޅުވެފައިވަނީ، މިކަމުގައި ރައްޔިތުންގެ ތުހުމަތުތައްވެސް ބަލައިލުން ރަނގަޅުކަމަށެވެ.
ކުޑަ އަންހެންކުއްޖަކަށް ޖިންސީ ގޯނާކުރިކަމިުގެ ތުހުމަތުގައި ފުލުހުން ހައްޔަރުކޮށްފައިވާ 59 އަހަރުގެ އަންހެނަކީ އެކުއްޖާ ތަޢުލީމް ހާސިލްކުރާ ސްކޫލްގައި 30 އަހަރަށްވުރެ ގިނަ ދުވަހު މަސައްކަތު މީހެއްގެ ވަޒީފާ އަދާކުރަމުން އަންނަ މީހެކެވެ. ނަމަވެސް ހަ އަހަރުގެ ކުޑަކުއްޖާއަށް ޖިންސީ ގޯނާކުރީ ކާފަ ކަމަށް އެ ކުއްޖާ ތަހުގީގަށް ކިޔައިދީފައިވާކަމަށް އެ މައްސަލައާ ގުޅިގެން ހައްޔަރުކޮށްފައިހުރި އަންހެންމީހާގެ އާއިލާއިން ތުހުމަތުކުރެއެވެ.\
މި މައްސަލއާއި ގުޅިގެން އައްޑޫ ސިޓީ ކައުންސިލުން ނެރުނު ބަޔާނެއްގައި ކުޑަކުދިންނަށް ކުރާ ޖިންސީ ގޯނާގެ ކުށްތަކަކީ ކައުންސިލާއި މުޅި މުޖްތަމައުގެ ކަންބޮޑުވުން އިންތިހާއަށް އޮތް މައްސަލައެއްކަމަށެވެ. އަދި މިފަދަ ކުށްތަކަށް އަރައިގަންނަ މީހުންނާއި އެކަމުގައި އެކިގޮތްގޮތުން ބައިވެރިވާ މީހުން ހިންގާ ކަންކަމަކީ ކައުންސިލުން އެއްގޮތަކަށް ވެސް ބަލައިގަންނާނެ އަދި އެކަމަށް ތާއީދުކުރާނެ ކަންކަމެއްވެސް ނޫންކަމަށް ބަޔާނުގައިވެއެވެ.
އެހެންކަމުން މި މައްސަލަ ސީރިއަސް މައްސަލައެއްގެ ގޮތުގައި ބަލައި އެކަމުގައި ޝާމިލުވާ އެންމެންގެ މައްސަލަތައް ވަކިވަކިން ތަހުގީގުކޮށް ދިނުމަށް ކައުންސިލުން ވަނީ ކަމާބެހޭ ފަރާތްތަކަށް ގޮވާލާފައެވެ.
