މިދިއަ އަހަރުގެ ޑިސެމްބަރު މަހުގެ 17 ވަނަ ދުވަހު ރިލީޒް ކުރި ޓެލެގޫ ފިލްްމު "ޕުޝްޕާ" އިން ބޮޑު މަގުބޫލު ކަމެއް ހޯދި އެކްޓްރެސް ރަޝްމިކާ މަންދަނާއަށް ރަންބީރު ކަޕުރާއި އެކުގައި ފިލްމްއެއް ކުޅުމުގެ ފުރުސަތު ލިބިއްޖެއެވެ.
ކަންނަޑާ އަދި ޓެލެގޫ ފިލްމުތަކުގައި މަސައްކަތްކޮށްފައިވާ ޒުވާން ބަތަލާއަށް ފިލްމު "އެނިމަލް"ގެ ރޯލެއް މި ލިބުނީ ކުރިން އެ ފިލްމު ކުޅެން ހަމަޖެއްސި ބަތަލާ ޕަރީނިތީ ޗޯޕްރާ މި ފިލްމު ނުކުޅެން ނިންމުމުންނެވެ.
ޓީ ސީރީޒުން ގެނެސްދިނުމަށް ހަމަޖެހިފައިވާ މި ފިލްމު ޑައިރެކްޓް ކުރަނީ "ކަބީރް ސިންގް" ގެ ޑައިރެކްޓަރ ސަންދީޕް ރެޑީ ވަންގާ އެވެ.
ރަޝްމިކާ ފިލްމަށް ގެނައިކަން ހާމަކޮށް ސޯޝަލް މީޑިއާގައި ވަނީ އޭނާއަށް މަރުހަބާ ކިޔާފައެވެ. މިއީ ބޮލީވުޑްގައި ރަޝްމިކާގެ 3 ވަނަ ޕްރޮޖެކްޓެވެ. 25 އަހަރުގެ ޒުވާން ތަރި ބޮލީވުޑަށް ތަޢާރަފް ވަނީ މިއަހަރު ނެރުމަށް ހަމަޖެހިފައިވާ ފިލްނު "މިޝަން މަޖްނޫ" އިން ސިދާތު މަލްހޮތުރާ އާއެކުއެވެ.
View this post on Instagram
މި އަހަރުގެ ޖުލައި ހިސާބުގައި ޝޫޓިންތައް ފަށަން މަޖެހިފައިވާ ފިލްމު "އެނިމަލް" އިން ރަންބީރާއި ރަޝްމިކާގެ އިތުރުން އަނިލް ކަޕޫރާއި ބޮބީ ޑިއޯލް ވެސް ފެންނާނެއެވެ.
