"ކަޝްމީރު ފައިލްސް"ގެ ޑައިރެކްޓަރ ވިވެކް އަގްނީހޯތުރީ އަކީ މި ވަގުތު އިންޑިއާގައި ހުރި، ގިނަ ސްޓާރުން އެމީހަކާއި އެކުގައި މަސައްކަތް ކުރަން ބެނުންވާ ޑައިރެކްޓަރު ކަމުގައި ޚަބަރުތަށް ބުނެފިއެވެ.
މިދިއަ މާރިޗް މަހުގެ 11 ވަނަ ދުވަހު ރިލީޒް ކުރި "ދަ ކަޝްމީރު ފައިލްސް" އަކީ ކުޑަބަޖެޓަކުން، އާދައިގެ އެކްޓަރުންނާއި އެކު ހެދި ފިލްމެކެވެ. ނަމަވެސް މި ފިލްމު ވަނީ ބޮޑެތި ސްޓާރުންގެ ފިލްމު ތަކާއި ވާދަކޮށް ކުރި ހޯދާއި، ބޮޑެތި ބަޖެޓުތަކުގެ ފިލްމާއި އޭ ލިސްޓްގެ ތަރިން ލަދު ގަންނަވާލައިފައެވެ.
ވިވެކްގެ ނަން މެދުއުޑުގައި ފިޔަޖަހަން ފަށާފައިވާއިރު އޭ ލިސްޓްގެ ތަރިން މިހާރު ބޭނުން ވަނީ ވިވެކާއެކު މަސައްކަތް ކުރުމަށެވެ. އޭނާ މިހާރު ދުނިޔޭގެ އެކި ކަންކޮޅު ތަކުގައި މި ފިލްމު ގެންދަނީ ޕްރޮމޯޓް ކުރަމުންނެވެ.
އެގޮތުން ނޫސްވެރިން ކުރި ސުވާލަކަށް ޖަވާބުދެމުން ކުޅަދާނަ ޑައިރެކްޓަރ ވިވެކް ބުނެފައިވަނީ އޭނާގެ ފިލްމަށް ބޭނުންވަނީ ސްޓާރުން ނޫން މަކަށާއި އެކްޓަރުން ކަމަށެވެ.
"އަހަރެން މި ދަތުރު ފެށީ މީގެ 12 އަހަރު ކުރިން. އޭރުން ފެށިގެން ސިކުނޑީގަ އެއްކަމެއް އިނދޭ. އަހަރެން އުފައްދާނީ މިފަދަ ފިލްމުއް. ބޮޑު ސްޓަރ ކާސްޓުން ލައިގެން ބޮޑު ބަޖެޓް ފިލްްމް ތަކަކީ އަހަރެންނާއި ގުޅޭ ފިލްމުތަކެއް ނޫން. ސިނަމާ އަކީ ސްޓާރުންގެ ތަނެއް ނޫން. އެއީ ރައިޓާ އާއި ޑައިރެކްޓަރުންގެ މީޑިއަމް އެއް. އެއީ އަހަރެން ގަބޫލު ކުރާގޮތް." ވިވެކް ބުނެފައި ވެއެވެ.
"ކަޝްމީރު ފައިލްސް" އަކީ އުންމީދު ކުރި ވަރަށްވުރެ ބޮޑު ތަރުހީބެއް ލިބިގެން ދިޔަ ފިލްމެކެވެ. އަދި ފިލްމުގެ މޮޅު ކަމާއި އެކްޓަރުންގެ އެކްޓިންއަށް ވަރަށް ބޮޑަށް ވަނީ ތައުރީފް ލިބިފައެވެ.
އެންމެ 15 ކަރޯޑް ރުޕީސްގެ ބަޖެޓަކުން ހެދި މި ފިލްމުގެ މުހިންމު ރޯލުތަކުން ފެނިގެން ދަނީ މިތުން ޗަކްރަބަތީ، އަނޫޕަމް ކޭރް، ދަރްޝަން ކުމާރު، ޕައްލަވީ ޖޯޝީ، ޗަމްނީ މާންޑެލޭކަރް، ޕްރަކާސް ބަލްވާކީ އަދި ޕުނީރު އިސާރެވެ.
