އަނިލް ކަޕޫރުގެ ފިރިހެން ދަރިފުޅު އެކްޓަރ ހަރްޝްވަރުދަން ކަޕޫރު އަންހެން ކުއްޖަކާއެކު އަތާއި އަތް ޖޯޑު ކޮށްގެން މުމްބާއީގެ މަގުމަތީގައި ހިނގާފައި ދަނިކޮށް ޕަޕަރާޒީންނަށް ފެނިއްޖެއެވެ.
ޕަޕަރާޒީން ވަނީ އެމީހުންގެ ފޮޓޯ ނެގިކަމުގައި ވިޔަސް ހަރްޝްވަރުދަން ވަނީ އަޅާނުލައި ހިނގާފައި ގޮސްފައެވެ. ނަމަވެސް އަންހެން ކުއަޖާ ވަނީ މޫނު ފޮރުވުމަށް މަސައްކަތް ކޮށްފައެވެ.
އިއްޔެ މުޅި ސޯޝަލް މީޑިއާގައި ވަނީ މި ދެމީހުންގެ ފޮޓޯތައް ވައިރަލް ވެފައެވެ. އަދި ހަރްޝްވަރުދަން އާއެކުގައި ހުރި "މިސްޓީރިއަލް ގާލް" އަކީ ކާކުކަން އަދިވެސް މީޑިއާއަށް ވަނީ އެނގޭ ގޮތް ނުވެފައެވެ.
ކޮންމެއަކަސް އެ އަންހެން ކުއްޖާ އަކީ ހަރްޝްވަރުދަންއާ ވަރަށް ގާތް ގުޅުމެއް އޮންނަ ކުއްޖެއް ކަމަށް މީޑިއާތަކުން ވަނީ ބުނެފައެވެ. އަދި އެއީ ދެ ލޯބިވެރިން ކަމަށް ވެސް ބައެއް ރިޕޯޓްތައް ވަނީ ބުނެފައެވެ.
ހަރްޝްވަރުދަން އާއެކު ފެނުނު ކުއްޖާއަކީ އަނިލްގެ ޅީދަރިފުޅު ކަމަށް ބުނެ ގިނަ ބަޔަކު ވަނީ ސޯޝަލް މީޑިއާގައި މި ފޮޓޯތަކަށް ކޮމެންޓް ކޮށްފައެވެ.
Harshvardhan Kapoor spotted walking hand-in-hand with his girlfriend whose identity is still a mystery to us!#zoomtv #harshvardhankapoor #zoompapz #bollywood pic.twitter.com/6HvBbEzC0d
— @zoomtv (@ZoomTV) March 28, 2022
އެކުއްޖާ އަކީ ފިލްމީ އާއިލާއަކާ އެއްވެސް ގުޅުމެއް ހުރި ކުއްޖެއް ނޫންކަމަށް ގިނަ މީޑިއާތަކުން ވަނީ ރިޕޯޓްކޮށްފައެވެ.
ބޮލީވުޑްގައި މިހާތަނަށް އަދި މާ ބޮޑު ކާމިޔާބެއް ހޯދިފައިނުވާ އުމުރުން 31 އަހަރުގެ ހަރްޝްވަރްދަން ބޮލީވުޑަށް ތައާރަފްވީ 2016ގެ ފިލްމު "މިރްޒިޔާ" އިންނެވެ.
