ޝާހްރުކް ޚާން މި ވަގުތު ހުރީ ސްޕެއިންގައި އޭނާގެ ކުރިއަށް އޮތް ފިލްމު "ޕަތާން"ގެ ޝޫޓިންގައެވެ. މި ފިލްމަ އަކީ 2018 ވަނަ އަހަރުގެ ފްލޮޕް ފިލްމް "ޒީރޯ" އަށް ފަހު ޝާހް ބޮޑުސްކްރީނަށޤ އެނބުރި އަންނަ ފިލްމެވެ.
މި ފިލްމު ރިލިޒް ކުރުމަށް ތާވަލު ކޮށްފައިވަނީ 2023 އަށެވެ. ފިލްމުގެ ޝޫޓިންގ ބާރަށް ކުރިއަށް ދާއިރު މީ ބޮޑު ކާސްޓެއް ހިމެނޭ ބޮޑު ބަޖެޓް ފިލްމެކެވެ.
މި ފިލްމުން ޝާހްރުކާއެކު ފެނިގެން ދާނީ ދީޕިކާ ޕަޑްކޯން އެވެ. އަދި މުހިންމު ރޯލު ތަކުން ޝަބާނާ އާޒްމީ އާއި ޖޯން އަބްރަހަމް ފަދަ ތަރިންވެސް ފެނިގެން ދާނެއެވެ.
ޝާހު ވަނީ އިއްޔެ އޭނާގެ ސަޕޯޓަރުންނަށް އިންސްޓަގްރާމް މެދުވެރިކޮށް ހަދިޔާއެއް ދީފައެވެ. އިއްޔެ ޝާހު ދޫކޮށްލި ފޮޓޯއާއެކު ގިނަ ބަޔަކު ވަނީ އޭނާގެ ހަށިގަނޑަށް ވަރަށް ތައުރީފް ކޮށްފައެވެ.
ޓޮޕްލެސް ފޮޓޯގައި 56 އަހަރުގެ ޝާހް ފެންނަނީ އަދުގެ ޒުވާނެއްފަދަ ހަށިގަނޑެއްގައެވެ. އެ ހަށިގަނޑު ޒުވާންކަން އުތުރި އަރަނީއެވެ. ބަރިބަރިއަށް ޖަހާލާފައިވާ ގޮޅިތަކުން އޭނާއަކީ ހަށިގަނޑަށް ވަރަށް ފަރުވާ ބަހައްޓާ މީހެއް ކަން މި ފޮޓޯއިން ހާމަވެއެވެ.
View this post on Instagram
ސިދާތު އާނަންދު ޑައިރެކްޓް ކުރާ ފިލްމު "ޕަތާން"ގެ ސެޓުގައި ޝާހް ނަގާފައިވާ މި ފޮޓޯއަށް ގިނަ އަދަދެއްގެ ބަޔަކު ވަނީ ތައުރީފުކޮށް ކޮމެންޓް ކޮށްފައެވެ. މިއީ އެ ފިލްމުގައި ޝާހް ފެންނާނެ ގޮތެވެ.
