ބޮލިވުޑްގެ މަޝްހޫރު އެކްޓަރު ރަންބީރު ކަޕޫރާއި އާލިއާ ބަޓްގެ ލޯބީގެ ވާހަކަ ތަކަކީ އަބަދުވެސް އާންމުންގެ ސަމާލުކަން ލިބޭ ވާހަކަތަކެކެވެ.
އަދި ހަމަ އެހެންމެ މި ދެމީހުންގެ ސަޕޯޓަރުން ތިބެނީ ދެތަރިންގެ އާ މައުލޫމާތެއް ލިބޭތޯ ބަލަބަލައެވެ.
ދާދިފަހުން ރަންބީރާއި އާލިއާ ވަނީ މުމްބާއީ އެއާޕޯޓުން ފެނިފައެވެ. ޕަޕަރާޒީން ވަނީ މި ދެތަރިން ފޮޓޯނަގާ ސޯޝަލް މީޑިއާގައި ހިއްސާކޮށްފައެވެ.
މި ފޮޓޯތަކުގެ ތެރެއިންވެސް އެންމެ ބޮޑަށް އަޅައިގަތީ ރަންބީރު ގެ ފޯނު ލޮކް ސްކްރީންގައެވެ. ގިނަ ބަޔަކު އުންމީދު ކޮށްގެން ތިބީ އެ ފޯނުގެ ލޮކް ސްކްރީނުން ފެންނާނީ އާލިއާ އާއި ރަންބީރުގެ ލޯބި ފޮޓޯއެއް ކަމަށެވެ.
ނަމަވެސް ހީކުރި ގޮތާ ހިލާފަށް ރަންބީރުގެ ފޯނުގެ ލޮކް ސްކްރީންގައި އިނީ އޭނާގެ ބައްޕަ މަޝްހުރު ފިލްމީތަރި ރިޝީ ކަޕުރުގެ ފޮޓޯއެކެވެ. ރިޝީ މަރުވީ 2020 ވަނަ އަހަރުގެ އޭޕްރީލް ހިސާބުގައި ކެންސަރަށް ފަރުވާ ހޯދަމުން ދަނިކޮށެވެ.
View this post on Instagram
އާލިއާ އާއި ރަންބީރު އެކުގައި ޝޫޓިންއެއް ކުރިއަށް ގެންދަނިކޮށް ނަގާފައިވާ ވީޑިއޯއެއް ވެސް ދާދިފަހުން ވަނީ ވައިރަލް ވެފައެވެ. ބެލެވޭ ގޮތުގައި އެއީ ދެތަރިން އެކުގައި ކުޅޭ ފިލްމް "ބްރަމަސްތުރާ"ގެ މަންޒަރެކެވެ.
