ކޮމެޑީ ޝޯވ "ދަ ކަޕިލް ޝަރުމާ ޝޯ" ވަގުތީ ގޮތުން ހުއްޓާލަން އުޅޭކަމަށް އިންޑިއާގެ މުނިފޫހި ފިލުވުމުގެ ޚަބަރުތަށް ގެެނެސްދޭ ނޫސްތަކުން ބުނެފިއެވެ.
ކަޕިލް ޝަރްމާ ޝޯއަކީ ދުނިޔޭގެ އެކި ކަންކޮޅުތަކުގައި ވަރަށް މަގުބޫލު ޝޯ އެކެވެ. އަދި ޝޯގެ ހޯސްޓް ކަޕިލް އަކީ ވެސް އާންމުންގެ މެދުގައި ވަރަށް މަގުބޫލު މީހެކެވެ.
ސޮނީ ޓީވީން ގެނެސްދޭ މި ޝޯ ވަގުތީ ގޮތުން ހުއްޓާލަން ޖެހުނީ ކަޕިލް ޔޫއެސް ޓުއާ އަކަށް ފުރާތީއެވެ. މަހެއްހާ ދުވަހުގެ މި ޓޫއާ އަށް އޭނާ ޖޫން މެދުތެރޭގައި ފުރާނެއެވެ.
ޝޯއިން ކަޕިލް ބްރޭކެއް ނެގި ކަމުގައި ވިޔަސް އެގަޑީގައި ކުރީގެ އެޕިސޯޑްގެ ރިޕީޓް ދައްކާނެއެވެ. އަދި ޝޯވ މެދުނޑާލި ނަމަވެސް ޝޯގެ ޕޮޕިއުލަރިޓީ ނުވެއްޓޭނެ ކަމަށް ޚަބަރުތައް ބުނެއެވެ.
ޝޯ ހުށައެޅުމުގެ އިތުރުން ކަޕިލް އަންނަނީ ފިލްމެއްގެ މަސައްކަތް ވެސް ކުރަމުންނެވެ. ފަހަރުގައި ފިލްމުގެ ޝޫޓިންގ ފެށުމުން ވެސް ޝޯ މެދުކަނޑާލަން ޖެހުމަކީ އެކަށީގެންވާ ކަމެކެވެ.
ކަޕިލް ވަނީ 2015 ވަނަ އަހަރު "ކިސް ކިސްކޯ ޕިޔާރް ކަރޫން" ކިޔާ ފިލްމަކުން ބޮލީވުޑަށް ތައާރަފް ވެފައިއެވެ.
