ބިގްބޮސް-14ގެ ގެއިން ބައްދަލުވެ ލޯބިވެވުނު ދެ ތަރިން ކަމުގައިވާ ކަރަން ކުންދުރާ އާއި ތޭޖަސްވީ ޕްރަކާޝްގެ ޖޯޑު ވަރަށް މަޝްހޫރެވެ.
އެ ދެތަރިންނަކީވެސް ސޯޝަލް މީޑިއާގައި ވަރަށް ހަރަކާތްތެރި ދެމީހުންނެވެ. އެމީހުން އަންނަނީ އެކަކު އަނެއްކަކާއި އެކުގައި ވަގުތު ހޭދަކުރުން އަން ލޯބި ފޮޓޯތަށް ފޭނުންނާ ހިއްސާ ކުރަމުންނެވެ.
ބިގްބޮސް އެންމެ ފަހުގެ ސީޒަން ކާމިޔާބު ކުރީވެސް ތޭޖަސްވީއެވެ. ބިގްބޮސްގެ ތާޖު ބޮލުގައި އަޅައިގެން ލޯބިވެރިޔާ އަތުގައި ހިފައިގެން އެގެއިން ނުކުތުމުންވެސް މި ދެ ލޯބިވެރިންނަށް ލިބޭ ސަމާލުކަން ކުޑައެއް ނުވެއެވެ.
ދާދިފަހުން ރޭޑިއޯ އަކަށް ދިން އިންޓަވިއުއެއްގައި ކައިވެންޏާ ބެހޭގޮތުން ކަރަންއާ ވަނީ ސުވާލު ކޮށްފައެވެ. ކަރަން ބުނެފައިވަނީ ކައިވެނީގެ ވާހަކަތައް ދެކެވޭ ކަމަށާއި ނަމަވެސް އަދި ތޭޖަސްވީއާ ކައިވެނި ކުރަން ނޫޅޭ ކަމަށެވެ.
ދެފަރާތުގެ އާއިލާ އިން ވެސް އެގުޅުމަށް ވަރަށް ރުހޭކަން ހާމަކުރަމުން ކަރަން ބުނެފައިވަނީ އޭނާ މީހާކަ ކައިވެނި ކުރާނަމަ ކުރާނީ ތޭޖަސްވީއާ ކަމަށެވެ.
ތޭޖަސްވީއަށް ވަނި އެކްތާގެ "ނާގިން" ސީރީޒުން ފުރުސަތު ލިބިފައެވެ. އެ ސީރީޒް މިހާރު ވަނީ ދައްކަން ފަށާފައެވެ.
ތޭޖަސްވީއާ ރައްޓެހި ވުމުގެ ކުރިން ކަރަން ވަނީ ވީޖޭ އަނޫޝާ ޑަންޑޭކަރާ ގިނަ ދުވަސްތަކެއް ވަންދެން ލޯބީގެ ގޮތުން ގުޅިގެން އުޅެފައެވެ.
