ކ.ގާފަރު ގެސްޓު ހައުސްއެއްގައި މަރުވެފައި އޮތް އަންހެނަކު ފެނިއްޖެއެވެ.
ފުލުހުން ބުނެފައިވަނީ ގާފަރު ގެސްޓު ހައުސްއެއްގައި މަރުވެފައި މީހަކު އޮތްކަމުގެ މައުލޫމާތު ލިބިގެން މިހާރު ފުލުހުން ހަރަކާތް ތެރިވަމުންދާކަމަށެވެ. ނަމަވެސް މިމީހާގެ މަރާއި ގުޅޭ އެއްވެސް މައުލޫމާތެއް ފުލުހުން ހާމަކޮށްފައި ނުވެއެވެ.
މައުލޫމާތު ލިބިފައިވާ ގޮތުގައި މިމީހާއަަށްވަނީ އެކި ވަރުގެ އަނިޔާކޮށްފައެވެ. އެގޮތުން ތޫނު އެއްޗަކުން ހަމަލާދީފައިވާ ކަމުގެ މައުލޫމާތުވެސް ވަނީ ލިބިފައެވެ.
ނިޔާވެފައި އޮއްވާ ފެނުނު އަންހެނަކީ އއ.އަތޮޅު ބޮޑުފުޅަދޫ 28 އަހަރުގެ އަންހެނެއް ކަމަށް މައުލޫމާތު ލިބެއެވެ. އޭނާ ގާފަރަށް ދިޔައީ މިމަހުގެ 16 ވަނަ ދުވަހު ކަމަށް ވެސް މައުލޫމާތު ލިބިފައިވެއެވެ.
މަރުވެފައި އޮތް މީހާގެ ކަރަށް ތޫނު އެއްޗަކުން ހަމަލާދީފައިވާކަމަށްވެސް މައުލޫމާތު ލިބިފައިވެއެވެ.
