ބޮލީވުޑްގެ އެކްޓްރެސް ސޯނަމް ކަޕޫރު ބަލިވެއިންކަން އިއުލާންކޮށްފިއެވެ.
އިންސްޓަގްރާމްގައި އަލަތު ދަރިފުޅަށް ބަނޑުބޮޑުކަން އިއްޔެ ސޯނަމް އިއުލާން ކުރީ ފިރިމީހާ އުނގުގައި ބޯޅާލައިގެން އޮތް ފޮޓޯއަކާއި އެކުގައެވެ. ޚަަބަރުތައް ބުނާގޮތުގައި މިއަހަރު ފަހުކޮޅު ސޯނަމް ވިހާނެއެވެ. އެހެން ކަމުން ބޮޑަށް ބެލެވެނީ އެމީހުން ދަރިފުޅަށް މަރުހަބާ ކިޔާނީ އޯގަސްޓް މަސް ހިސާބުގައެވެ.
ވިޔަފާރިވެރިޔާ އާނަންދް އަހޫޖާއާ، 2018 ވަނަ އަހަރު ކައިވެނި ކުރިފަހުން އޭނާ ވަރަށް ބޮޑަށް ވަނީ ފިލްމުތަކާ ދުރުވެފައެވެ.
36 އަހަރުގެ ބަތަލާ އެންމެ ފަހުން ފެނިގެން ގޮސްފައިވަނީ 2019 ވަނަ އަހަރުގެ "ޒޯޔާ ފެކްޓާ" އިންނެވެ. އަނެއްކޮޅުން ކައިވެންޏަށް ފަހު އޭނާ ގިނައިން އުޅެމުން އަންނަނީ ލަންޑަންގައެވެ.
ކޮމެންޓު ފޮނުވާ