ކ. ގިރިފުށި ބަނދަރު ތަރައްޤީ ކުރުމުގެ މަޝްރޫޢުގެ 50 އިންސައްތަ މަސައްކަތް ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، (އެމްޓީސީސީ) އިން ބުނެފިއެވެ.
އެމްޓީސީސީން ބުނެފައިވަނީ މިހާރު ކުރިއަށްދަނީ ބޭރު ތޮށި ލުމުގެ މަސައްކަތް ކަމުގައެވެ. މިމަސައްކަތުގެ 62 އިންސައްތަ މަސައްކަތް ވަނީ ނިންމާލެވިފައިކަމަށް އެމްޓީސީސީން ބުނެފައިވެއެވެ.
ކ. ގިރިފުށި ބަނދަރު ތަރައްޤީ ކުރުމުގެ މަޝްރޫޢުގެ 50 އިންސައްތަ މަސައްކަތް ވަނީ ފުރިހަމަކުރެވިފަ. މިހާރު ކުރިއަށްދަނީ ބޭރު ތޮށި ލުމުގެ މަސައްކަތް، މިމަސައްކަތުގެ 62 އިންސައްތަ މަސައްކަތް ވަނީ ނިންމާލެވިފަ.#MTCCProjects #RayyithungeKunfuni pic.twitter.com/XCXwsW1XYD
— MTCC Plc (@MTCCPlc) March 20, 2022
މި މަޝްރޫޢުގެ ދަށުން، 268 މީޓަރުގެ ސަރަޙައްދެއްގައި ބޭރުތޮށި ލުމާއި، 46 މީޓަރުގެ ސަރަޙައްދެއްގައި ނެރު ބޭރުތޮށި ލުމުގެ މަސައްކަތް ހިމެނެއެވެ.
މޯލްޑިވްސް ނޭޝަނަލް ޑިފެންސް ފޯރސްއިން އެމްޓީސީސީއާއި ހަވާލުކޮށްގެން ކުރިއަށްގެންދާ މި މަޝްރޫޢަކީ 18.3 މިލިއަން ރުފިޔާގެ މަޝްރޫއެކެވެ. އެމްޓީސީސީން މިހާރުވެސް ރާއްޖޭގެ ގިނަ ރަށްތަކެއްގައި ބަނދަރު ހެދުމުގެ މަސައްކަތް ދަނީ ކުރަނުންނެވެ. އަދި ހަވާލު ކުރެވިފައިވާ މުއްދަތަށް މަސައްކަތް ނިންމުމަށް އެކުންފުނިން ދަނީ މަސައްކަތް ކުރަމުންނެވެ.
އެމްޓީސީސިއަކީ ސަރުކާރުގެ އެންމެ ގިނަ ތަރައްޤީގެ ޕްރޮޖެކްޓް ހިންގާ ކުންފުންޏެވެ.
