ބޮލީވުޑްގެ އެކްޓްރެސް ކަރީނާ ކަޕޫރާއި އޭނާގެ ދެ ދަރިން ކަމުގައިވާ ތައިމޫރް އަލީ ޚާނާއި ޖެހަންގީރް އަލި ޚާންގެ އިތުރުން ދައްތަ، އެކްޓްރެސް ކަރިޝްމާ ކަޕޫރާ އެކުގައި ރާއްޖޭގައި ޗުއްޓީ ހޭދަކޮށްލުމަށް ފަހު އެންބުރި ގައުމަށް ގޮސްފިއެވެ.
އާދީއްތަ ދުވަހު ވަރަށް ހެނދުނުގެ ވަގުތެއްގައި އެމީހުން ވަނީ މުމްބާއީގެ އެއާޕޯޓުން ފެނިގެން ގޮސްފައެވެ. އެއާޕޯޓުން ނުކުމެގެން ދިޔައިރު ތައިމޫރު ވަނީ ޕަރާޒީންނަށް ޓާޓާ ވެސް ކިޔާފައެވެ.
މި ދަތުރުގައި ބައިވެރިވެފައި ވަނީ ކަރިޝްމާ އާއި ކަރީނާގެ އިތުރުން އެދެމީހުންގެވެސް ދަރިން އެކަންޏެވެ.
ވައިރަލް ވެފައިވާ ވީޑީއޯ ތަކާއި ފޮޓޯތަކުން ފެންނަ ގޮތުގައި އެމީހުން ވަނީ ވަރަށް ބޮޑަށް ޓޭން ވެފައެވެ. އަދި އެއަރޕޯޓުން ނުކުއިތް ވަގުތު ކަރިޝްމާ އާއި ކަރީނާ ފެނިގެން ގޮސްފައިވަނީ އަތްދިގު ޕްރިންޓެޑް ޕިޖާމާގައެވެ.
ރިޕޯޓްތަށް ބުނާގޮތުގައި އެމީހުން ރާއްޖެ އައިސްފައި ވަނީ މިމަހު 14 ވަނަ ދުވަހު ޕްރައިވެޓް ޖެޓެއްގައެވެ.
ކޮމެންޓު ފޮނުވާ