އިންގްލިޝް ޕްރިމިއަރ ލީގުގައި ނިއުކާސްލް ޔުނައިޓެޑާއި ސައުތެމްޕްޓަން ބައްދަލުކުރިމެޗް ނިއުކާސްލުން ކާމިޔާބު ކޮށްފިައެވެ.
ސައުތެމްޕްޓަންގެ ދަނޑުގައި ކުޅުނު މިމެޗް ނިއުކާސްލް ކާމިޔާބުކުރީ 2 ލަނޑު އެއްލަނޑުންނެވެ. ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ގިނައިރު ބޯޅަ ގެންގުޅެ ގިނަ ހަމަލާއުފައްދާފައިވަނީ ސައުތެމްޕްޓަންއިންނެވެ. މިގޮތުން މިމެޗގައި ފުރަތަމަ ލަނޑު ޖަހައި ލީޑު ނެގީވެސް ސައުތެމްޕްޓަންއެވެ. މިގޮތުން މެޗްގެ 25 ވަނަ މިނެޓްގައި ޖަހާދިނީ ސްޓުއާޓް އާމްސްޓްރޯންގއެވެ.
މިމެޗްގައި ނިއުކާސލްއިން ޖެހި ފުރަތަމަ ލަނޑު މެޗްގެ 32 ވަނަ މިނެޓްގައި ޖަހައިދިނީ ކްރިސް ވުޑްސްއެވެ. އަދި މިމެޗުން ނިއުކާސްލް މޮޅުވި ލަނޑު މެޗްގެ 52 ވަނަ މިނެޓްގައި ޖަހައިދިނީ ބްރޫނޯ ގުއިމަރާއެސްއެވެ. މިމެޗްގައި މީގެއިތުރުންވެސް ލަނޑު ޖަހާނެ ރަނގަޅު ފުރުސަތު ދެޓީމަށް ލިބި ބޭކާރު ވެގެންދިޔައެވެ.
މިކާމިޔާބީއާއެކު ނިއުކާސްލް މިހާރު ވަނީ ކުޅުނު 27 މެޗުން ލިބިފައިވާ 31 ޕޮއިންޓާއެކު ތާވަލްގެ 14 ވަނައިގައެވެ. އަދި ސައުތެމްޕްޓަން ވަނީ 28 މެޗުން ލިބިފައިވާ 35 ޕޮއިންޓާއެކު ތާވަލްގެ 10 ވަނައަށް ފަހަތަށް ޖެހިލާފައެވެ.
