އިދިކޮޅު ޕްރޮގްރެސިވް ކޯލިޝަނުން ހިންގާ އިންޑިއާ އައުޓް ކެމްޕޭންގައި ބައިވެރިވުމުގެ ދައުވަތު މަޖިލިސް ރައީސް އަދި އެމްޑީޕީގެ ރައީސް މުހައްމަދު ނަޝީދަށް ދެއްވައިފިއެވެ.
ރައީސް ޔާމީން އިސްވެ ހިންގަވާ އިންޑިއާ އައުޓް ހަރަކާތަކީ ރައްޔިތުންގެ ތާއީދު ނެތް ހަރަކާތެއްކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވަނީ މިއަދު ވިދާޅުވެފައެވެ. ނަޝީދު މިހެން ވިދާޅުވީ އިންޑިއާ އައުޓް ހަރަކާތާއެކު އިދިކޮޅު ލީޑަރު އަދި ޕީޕީއެމްގެ ރައީސް ޔާމީން މިއަދު އދ.މަހިބަދޫއަށް ވަޑައިގަތުމަށް ނިންމަވާފައިވަނިކޮށެވެ.
ނަޝީދުގެ ވާހަތަކާއި ގުޅިގެން އިދިކޮޅު ޕީއެންސީގެ ރައީސް އަބްދުއްރަހީމް ވިދާޅުވީ، ރައީސް ނަޝީދުވެސް ހިއްސާވާ، މިސަރުކާރުން ރާއްޖޭގެ މިނިވަންކަމާއި ސިޔާދަތާއި ދެކޮޅަށް ހިންގަމުންދާ ކަންކަމާއި ދެކޮޅަށް އިދިކޮޅުން ހިންގާ ހަރަކާތްތަކުގައި ބައިވެރިވުމަށް ނަޝީދަށް ދަންނަވާކަމަށެވެ. އަދި ސަރުކާރުން ހިންގަމުންދާ ޖަރީމާތަކާއި ދެކޮޅަށް ތެދުވުމަކީ މިއަދު ރައީސް ނަޝީދުގެވެސް ޒިންމާއެއްކަމަށް އަދުރޭ ވިދާޅުވިއެވެ.
– އަދުރޭ ވިދާޅުވިއެވެ.
ނަޝީދު ވިދާޅުވީ، ރައީސް ޔާމީން އިންޑިއާއި އިދކޮޅަށް ހިންގަވާ ހަރަކާތްތަތަކަކީ ރައްޔިތުންގެ ތާޢީދު ނެތް، ދިވެހިންނަށް އޭގެ ގެއްލުން ދޭނެކަމެއްކަމަށެވެ. ޤައުމުތަކާއި އިދިކޮޅު ހަރަކާތްތަކުގައި ބައިވެރި ނުވުމަށް ޕީޕީއެމްގެ މެންބަރުންގެ ކިބައިން ވަރަށް އިޚްލާސްތެރިކަމާއެކު އެދިވަޑައިގަންނަވާކަމަށްވެސް ރައީސް ނަޝީދު ވިދާޅުވެފައިވެއެވެ.
ރައީސް ޔާމީން އިސްވެ ފަށްޓަވާފައިވާ އިންޑިއާ އައުޓް ހަރަކާތް ފުޅާކުރުމަށް އެމަނިކުފާނު ގެންދަވަނީ އަތޮޅުތަކަށްވެސް ދަތުރުކުރައްވަމުންނެވެ. އެންމެފަހުން ރައީސް ޔާމީން ވަޑައިގެންފައިވަނީ ގއ.ވިލިގިއްޔަށެވެ. އެރަށުން ރައީސް ޔާމީނަށް ވަނީ ވަރަށް ހޫނު މަރުޙަބާއެއް ވިދާޅުވެފައެވެ. މިހާތަނަށް އެމަނިކުފާނު މިކެމްޕެއިންގައި ވަޑައިގެން ހުރިހާ ރަށަކުންވެސް ވަނީ ބޮޑު ތަރުހީބެއް ލިބިގެން ގޮސްފައެވެ.
ރައީސް ޔާމީން މަހިބަދޫއަށް ވަޑައިގަތުމަށް ހަމަޖެހިފައިވާތީ، މިހަރަކާތް އިންތިޒާމު ކުރުމުގައި އިސްކޮށް ހަރަކާތްތެރިވާ ޕީޕީއެމްގެ ޓީމެއްވެސް މިހާރުވަނީ މަހިބަދޫއަށް ގޮސްފައެވެ. ރައީސް ޔާމީން އިސްކޮށް ހުންނަވައިގެން ރާއްޖޭގައި ތިބި އިންޑިއާ ސިފައިން ބޭލުމަށް ފަށާފައިވާ ކެމްޕެއިން ހުއްޓުވުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ސަރުކާރުންވަނީ މިހަރަކާތް ހިންގުމަށް ދެން ޖާގަ ނުދޭނެކަމަށް ބުނެފައެވެ.
ނަމަވެސް އިދިކޮޅު ކޯލިޝަނުން ބުނެފައިވަނީ މިހަރަކާތް ދެން ހުއްޓުވޭނެ ގޮތެއް ނެތްކަމަށެވެ. އިންޑިއާ އައުޓް ހަރަކާތުގައި ގިނަ އަދަދެއްގެ ރައްޔިތުން ދަނީ ބައިވެރިވަމުންނެވެ.
