ށ.އަތޮޅު ކޮމަންޑޫއާއި މަތިކޮމަންޑޫ ގުޅުވާލުމަށް ހިއްކި ސަރަހައްދު ޙިމާޔަތްކުރުމުގެ މަސައްކަތް ފަށައިފިއެވެ.
އެމްޓީސީސީން ބުނީ ށ. ކޮމަންޑޫ ޝޯޕްރޮޓެކްޝަން ރެކްޓިފިކޭޝަން އަދި މަތިކޮމަންޑޫ ކަނެކްޓިވިޓީ މަޝްރޫޢުގެ ދަށުން މިހާރު ހިއްކިފައިވާ ސަރަހައްދު ވަގުތީ ގޮތުން ހިމާޔަތްކުރުމުގެ މަސައްކަތް ކުރަމުންދާކަމަށެވެ.
ށ. ކޮމަންޑޫ ޝޯޕްރޮޓެކްޝަން ރެކްޓިފިކޭޝަން އަދި މަތިކޮމަންޑޫ ކަނެކްޓިވިޓީ މަޝްރޫޢުގެ ދަށުން މިހާރު ހިއްކިފައިވާ ސަރަހައްދު ވަގުތީ ގޮތުން ހިމާޔަތްކުރުމުގެ މަސައްކަތް ދަނީ ކުރެވެމުން.#MTCCProjects #RayyithungeKunfuni pic.twitter.com/0GUz9G3qSE
— MTCC Plc (@MTCCPlc) March 10, 2022
ދެ ކޮމަންޑޫ ގުޅާލުމަށް 16.7 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. އަދި މި ދެރަށް ގުޅާލުމަށް 200 މީޓަރުގެ ދިގު ލިންކެއް އެޅުމަށް ވަނީ ހަމަޖެހިފައެވެ. މި މަޝްރޫޢުގެ ދަށުން 1690 މީޓަރުގެ ސަރަހައްދެއްގައި ސޯޕްރޮޓެކްޝަން ރެކްޓިފިކޭޝަން މަސައްކަތް ކުރުމަށްވެސް ހަމަޖެހިފައިވާކަމަށް އެކުންފުނިން ވިދާޅުވެއެވެެ.
ދެ ކޮމަންޑޫ ގުޅާލުމުގެ މަޝްރޫޢުގެ ޢަމަލީ މަސައްކަތް ފަށައިފައިވަނީ މިއަހަރުގެ ޖަނަވަރީ މަހުގެ 14ވަނަ ދުވަހުއެވެ. އަދި ދެރަށް ގުޅާލުމަށް ބިންހިއްކުމުގެ މަސައްކަތް ފެށީ ހަމަ އެމަހުގެ 31ވަނަ ދުވަހުއެވެ.
ކޮމަންޑޫއަށް ދިމާވެފައި އޮތް ބޯހިޔާވަހިކަމުގެ މައްސަލައަށް ހައްލެއް ހޯދަވައިދެއްވުމަކީ ރައީސުލްޖުމްހޫިރިއްޔާ އިބްރާހީމް މުޙައްމަދު ޞާލިޙްގެ ވަޢުދުފުޅެކެވެ. މޯލްޑިވްސް ޓްރާންސްޕޯޓް އެންޑް ކޮންޓެކްޓިން ކޮމްޕެނީ އެމްޓީސީސީ އާ މި މަސައްކަތް ހަވާލުކުރީ 249.90 މިލިއަން ރުފިޔާއަށެވެ.
