މިދިއަ މަހުގެ 25 ގައި ރިލީޒް ކުރި ޑައިރެކްޓަރު ސަންޖޭ ލީލާ ބަންސާލީގެ "ގަންގޫބާއި ކަތިއަވަޅީ" ގައި އާލިއާ ދެއްކި އެކްޓިންއަށް ތައުރީފް އޮހެމުން އަންނަ އިރު އޭނާ މިހާރު ހޮލީވުޑަށް ދިއުމަށް ވަނީ ކަމަރު ބަނދެފައެވެ.
މީގެ ދުވަސްކޮޅެއް ކުރިން ފެށިގެން އާލިއާ ހޮލީވުޑަށް ނުކުންނަށް އުޅޭ ވާހަކަ މީޑީއާތަކުން ދިއައީ ދައްކަމުންނެވެ. އެގޮތުން މިވާހަކަ މިހާރު މިވަނީ ހަގީގަތަކަށް ވެފައެވެ. ހޮލިވުޑްގެ ފިލްމަކުން އާލިއާ ފެނިގެން ދާނެ ކަން މިހާރު ވަނީ ކަށަވަރު ވެފައެވެ.
އާލިއާ ހޮލީވުޑަށް ތައާރަފް ވަނީ ނެޓްފްލިކްސްއިން ދައްކަން ހަމަޖެހިފައިވާ "ހާޓް އޮފް ސްޓޯން" އިންނެވެ. މި ފިލްމް ގައި އާލިއާ އާއެކުގައި ފެނިގެން ދާނީ "ވޮންޑާ ވުމެން" ގެ ތަރި ގަލް ގަޑޮޓްއެވެ. މި ދެމީހުންގެ އިތުރުން ޖެމީ ޑޮނާންވެސް މި ފިލްމުން ފެންނާނެއެވެ.
View this post on Instagram
މި ފިލްމުގެ ވާހަކަ އެނބުރެނީ ޖާސޫސެއްގެ ގޮތުގައި ރޭޗަލް ސްޓޯންގެ ރޯލު ކުޅޭ ގަލް ގަޑޮޓްގެ ވަށައިގެންނެވެ. ފިލްމު އިސް ބަތަލާއަކީ އޭނާއެވެ. ފިލްމުގެ ވާހަކަ ރާވާލެވިފައި ވާގޮތުން ސުލްހައަށް މަސައްކަތްކުރާ ބައިނަލްއަޤްވާމީ ޖަމާއަތެއްގެ އެއްމެ މުހިންމު އަދި ނުރައްކާތެރި ރައުސުލްމާލު ބީވެ ދިޔަނުދީ ސަލާމަތްކޮށްދެވޭނެ ހަމަ އެކަނި މީހަކީ ގަޑޮޓްއެވެ.
ALIA BHATT MAKES HER HOLLYWOOD DEBUT: JOINS GAL GADOT IN NETFLIX FILM… #AliaBhatt makes her global debut, joining #GalGadot in #Netflix’s international spy thriller #HeartOfStone… #TomHarper is directing the pic. pic.twitter.com/ouT5zaYXX6
— taran adarsh (@taran_adarsh) March 8, 2022
2012 ވަނަ އަހަރު "ސުޓޫޑަންޓް އޮފްދަ އިޔާ އިން" ބޮލީވުޑަށް ތައާރަފް ވުމަށްފަހު އާލއިާ އަންނަނީ ތަފާތު ރޯލުތަކުން އޭނާގެ އެކްޓިންގެ ހުނަރު ދައްކަމުންނެވެ. އެގޮތުން ކުޑަ ދުވަސްކޮޅެއްގެ ތެރޭގައި އޭނާ ވަނީ ބޮލީވުޑްގެ އެންމެ އުހުގައި ފިޔަ ޖަހަން ފަށާފައެވެ.
