އެމްޑީޕީގެ ޗެއަރޕާސަންގެ އިންތިޚާބުގައި ވާދަކުރައްވާ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ކެމްޕެއިން ދަތުރުފުޅެއްގައި ތިލަދުއްމައްޗަށް ވަޑައިގެންފިއެވެ.
ހއ.ހދ އަދި ށ އަތޮޅަށް ކުރައްވާ މި ކެމްޕެއިން ދަތުރަކީ މިއަދުން ފެށިގެން ތިން ދުވަހުގެ މުއްދަތަށް ކުރާ ދަތުރެއްކަމަށް އިންތިގެ ކެމްޕެއިން ޓީމުން ބުނެފައިވެއެވެ. މި ކެމްޕެއިންގައި އެންމެ ފުރަތަމަ އެންމެ އުތުރުން ހއ.ތަކަންދޫއަށެވެ. އިންތިއަށް ސަޕޯޓްކުރާ ފަރާތްތަކުން ވަނީ އިންތިއަށް މަރުހަބާ ވިދާޅުވެފައެވެ.
އެމްޑީޕީ ޗެއަރޕާސަންގެ އިންތިޚާބުގެ ކެންޕެއިނަށް @Imthiyazfahmy އާއި ކެންޕޭން ޓީމު ހއ.މާރަންދޫ އަށް ވަޑައިގަތުމުން.#HappeningNow#ThilafathugeRamzu
???? #InthiAaEku pic.twitter.com/0TvmkWLAJW— ???????????? (@Simwarr) March 10, 2022
އިންތިގެ މި ކެމްޕެއިންގައި އިސްކޮށް އުޅުއްވަނީ ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ އާއި، ރައީސް އޮފީހުގެ މިނިސްޓަރ އަދި އެމްޑީޕީގެ ނާއިބު ރައީސް މުޙައްމަދު ޝިފާޒްއެވެ.
އެމްޑީޕީ ޗެއަރޕާސަންގެ އިންތިޚާބުގެ ކެންޕެއިނަށް @Imthiyazfahmy އާއި ކެންޕޭން ޓީމު ހއ.މާރަންދޫ އަށް ވަޑައިގަތުމުން.#HappeningNow#ThilafathugeRamzu
???? #InthiAaEku pic.twitter.com/R9OQnglxAO— ???????????? (@Simwarr) March 10, 2022
ޗެއަރޕާސަން އިންތިޚާބުގެ ކެމްޕެއިންގައި އިންތި ވަނީ މީގެ ކުރިން އައްޑޫ ސިޓިއާއި ފުވައްމުލައްސިޓިއަށްވެސް ވަޑައިގެންފައެވެ.
އެމްޑީޕީގެ ޗެއަރޕާސަން އިންތިޚާބު މީގެ ކުރިން އޮތީ އަންނަ އޭޕްރީލް މަހުގެ 16ގާއި ޞާއްވަން ނިންމާފައެވެ. ނަމަވެސް އިންތިޚާބު ދިމާވަނީ ރަމަޟާން މަހާކަމަށްވާތީ، މި އިންތިޚަބުގައި ވާދަކުރައްވާ އިކޮނޮމިކް މިނިސްޓަރ ފައްޔާޟް އިސްމާޢީލްގެ ފަރާތުން ވަނީ އެމްޑީޕީ ޤައުމީ މަޖިލީހަށް ފަސްކުރުމަށް ހުށައަޅަފައެވެ. އަދި ޤައުމީ މަޖިލީހުގެ ބޮޑު އަޣްލަބިއްޔަތަކުން ވަނީ އެގޮތަށް ފާސްކޮށްފައެވެ. އިންތިޚާބު ފަސްކުރުމަށް އިންތިއާއި އޭނާގެ ސަޕޯޓަރުން ދެކޮޅެވެ.
އިންތިޚާބު ފަސްކުރަން ހުށައެޅި އިންތިޚާބުން ބަލިވުމުންކަމަށް އިންތި ވަނީ ވިދާޅުވެފައެވެ.
