އެމެރިކާގެ ރިޔާސީ އިންތިޚާބު ކުރީގެ ނާއިބު ރައީސް އަދި ޑިމޮކްރަޓީކް ޕާޓީގެ ރިޔާސީ ކެޑިޑޭޓު ޖޯ ބައިޑްން ކާމިޔާކު ރައްވާފައިވާއިރު، ބަލި ގަބޫލު ކުރެއްވުމަށް އނަބި ކަބަލުން މެލާނިއާ ޓްރަމްޕާއި އަދި ދަނބި ދަރިކަލުން ޖެރާޑް ކްރިޝްނާ ޓަރަމްޕަށް ލަފާ އަރުވަމުންދާ ކަމަށް މީޑިއާ ރިޕޯޓުތައް ބުނަން ފަށައިފިއެވެ.
އިންތިޚާބީ ނާއިބު ރައީސް ބައިޑްންއާއި ވާހަކަ ދައްކަވައިގެން އެއްބަސްވެވޭ ކަންކަމުގެ މައްޗަށް ބަލި ގަބުލު ކުރެއްވުމަށް މި ދެބޭފުޅުން ޓްރަމްޕަށް ލަފާ އަރުވަމުން ދާއިރު، ދޫނުދެއްވާ ކުރިޔަށް ވަޑައިގަތުމަށް ޓަރަމްޕަށް އެންމެ ބޮޑަށް އަދިވެސް ހިތްވަރު ދެއްވަނީ ޓްރަމްޕްގެ ދަރިންކަމަށް މައުލޫމާތު ލިބެއެވެ.
މައުލޫމާތު ލިބޭގޮތުގައި ޓްރަމްޕްގެ ދަނބި ދަރިކަލުން އަދި ސީނިއަރ އެޑްވައިޒަރެއްގެ މަގާމުގައިވެސް ހުންނެވި ކްރިޝްނަރ ޓްރަމްޕާއި ދެފަހަރެއްގެ މަތިން ބައްދަލުކޮށް ބަލި ގަބޫލު ކުރެއްވުމަށް އިރުޝާދު ދެއްވާފައިވާ ކަމަށް ޓްރަމްޕްގެ އަރިސް ދެފަރާތަކާއި ހަވާލާދީ ސީއެންއެންއިން ވަނީ ރިޕޯޓު ކޮށްފައެވެ.
އެހެންނަމަވެސް، އެމެރިކާގެ ބޮޑެތި ހުރިހާ ޓީވީ ޗެނަލަކުންވެސް ހޮނިހިރު ދުވަހު، ބައިޑްން އިންތިޚާބު ކާމިޔާބު ކުރާނެ ކަމަށް ރިޕޯޓު ކުރަމުން ދިޔައިރުވެސް، ޓްރަމްޕްގެ ދޮށީ ދެދަރިކަލުން ކަމުގައިވާ ޑޮނަލްޑް ޖޭއާރު އަދި އެރިކް ޓަރަމްޕް، ޓްރަމްޕާއި އަދި ތާއީދުކުރާ ފަރާތްތަކުން ދޫނުދިނުމަށް ހިތްވަރު ދެމުން ދިޔަކަމަށް ވެއެވެ.
ޓްރަމްޕްގެ ގާތް ފަރާތްތަކާއި ހަވާލާދީ ސީއެންއެންއިން ރިޕޯޓު ކުރާގޮތުގައި، އިންތިޚާބުގެ އެންމެ ފަހުގެ ނަތީޖާ ހޮނިހިރު ދުވަހު އިއުލާން ކުރެވިގެން ދިޔައިރު އެމެރިކާގެ ވާރޖީނިއާގެ ސްޓާރލިންގައި އޮންނަ އަމިއްލަފުޅު ގޯލްފް ކޯސްގައި ހުންނެވި ޓްރަމްޕް އިންތިޚާބުގެ ނަތީޖާ ގަބޫލު ނުކުރައްވާނެކަމަށް ޓްވީޓު ކުރައްވާފައި ވިނަމަވެސް، އެންމެ އަރިސްބޭފުޅުންގެ އަރިހުގައި އިންތިޚާބުގެ ނަތީޖާ އާއިމެދު ދެކޮޅު ހައްދަވާފައި ނުވާކަމަށް ވެއެވެ.
މިގޮތުން، އަދި ރަސްމީކޮށް ޓްރަމްޕް އިންތިޚާބުގެ ނަތީޖާ ގަބޫލު ކުރައްވާފައި ނުވާއިރު، އަދިވެސް ޓްރަމްޕް ލޯޔަރުން މެދިވެރިކޮށް ނަތީޖާއަށް ޗެލެންޖު ކުރުމަށް ގާނޫނީ ގޮތުން ކުރިޔަށް ވަޑައިތުމުގެ މަސައްކަތް ގެންދަވަނީ ކުރައްވަމުންނެވެ.
ޓްރަމްޕްގެ ދނަބި ދަރިކަލުން ކްރިޝްނާ ޓްރަމްޕާއި ބައްދަލުކޮށް ބަލި ގަބޫލު ކުރެއްވުމަށް ޓްރަމްޕަށް ލަފާދެއްވާފައިވާ ކަމަށް ސީއެންއެންއިން ރިޕޯޓު ކޮށްފައިވި ނަމަވެސް، އާދީއްތަދުވަހު، ޓްރަމްޕްގެ ތަރުޖަމާން ޖޭސަން މިލާރ ވަނީ މިޚަބަރު ދޮގު ކުރައްވާފައެވެ. އެހެންނަމަވެސް އޭގެ ފަހުން ޓްރަމްޕްގެ އަރިސް ފަރާތްތަކާއި ހަވާލާދީ ސީއެންއެންއިން ވަނީ މިމައުލޫމާތު އަލުން ކަށަވަރު ކޮށްފައެވެ.
އިންތިޚާބުގެ އެންމެ ފަހުގެ ނަތީޖާތައް އާންމުކުރެވި، އަދި ޖޯބައިޑްން އިންތިޚާބު ކާމިޔާބު ކުރެވިއްޖެކަން ރަސްމީކޮށް އިއުލާނު ކުރުމަށްފަހުވެސް ކުރެއްވި ޓްވީޓުތަކުގައި، އިންތިޚާބު ބޮޑުތަނުން އޮޅުވާލާފައިވާކަމަށް ޓްރަމްޕް ގެންދަވަނީ ތުހުމަތު ކުރައްވަމުންނެވެ.
އެހެންނަމެސް، ޓްރަމްޕް ނިސްބަތްވާ ރިޕަބްލިކަން ޕާޓީގެ ގިނަ އިސްފަރާތްތަކުންވެސް ވަނީ ނަތީޖާ ގަބޫލުކޮށް އިންތިޚާބީ ރައީސަށް މަރުހަބާ ވިދާޅުވެފައެވެ.
ބައިޑްން އިންތިޚާބު ކާމިޔާބު ކުރައްވާފައިވަނީ، ދެކެޑިޑޭޓުން އެންމެ ގާތުން ވާދަކުރަމުން އައި ޕެންސިލްވޭނިއާ އެންމެފަހުން ކާމިޔާބުކޮށް، 270 އަށްވުރެ ގިނަ އިލެކްޓޯރަލް ވޯޓު ކާމިޔާބު ކުރައްވައިގެންނެވެ.
އަންނަ ޖެނުއަރީ މަހުގެ 20 ވަނަ ދުވަހު މަގާމުގެ ހުވާ ކުރެއްވުމާއެކު ޖޯ ބައިޑްން ވެވަޑައިގަންނަވާނީ އެމެރިކާގެ 46 ވަނަ ރައީސަށެވެ.
