ހުޅުމާލޭގައި ޕާކިން ބިލްޑިންއެއް އަޅަން ހުޅުމާލެ ޑިވެލޮޕްމަންޓް ކޯޕަރޭޝަން (އެޗްޑީސީ)އިން ދަމާސް ކޮމްޕެނީއާ ހަވާލުކޮށްފިއެވެ.
އެޗްޑީސީގައި ބޭއްވި ހާއްސަ ރަސްމިއްޔާތެއްގައި މިކަމާ ގުޅޭ އެއްބަސްވުުމެއްގައި ވަނީ ސޮއިވެސް ކޮށްފައެވެ. އެ އެއްބަސްވުމުގައި ދަމާސްގެ ފަރާތުން ސޮއި ކުރެއްވީ ކުންފުނީގެ މެނޭޖިން ޑިރެކްޓަރު އަބްދުﷲ ސާލިހުއެވެ. އަދި އެޗްޑީސީގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރު ސުހައިލް އަހްމަދުއެވެ.
ޕާކިން ބިލްޑިންގު އަޅަނީ ހުޅުމާލެ ފެރީ ޓާމިނަލް ކައިރީގައި ހުންނަ އޯޝަން ފްރަންޓުގެ ފަހަތުގައެވެ. އެތަނުގައި އިމާރާތްކުރާ ޕާކިން ބިލްޑިންގައި ސައިކަލާއި ކާރު ވެސް ޕާކުކުރެވޭނެ ކަމަށް އެޗްޑީސީން ބުނެފައިވެއެވެ.
As the urban population rises, we are acutely aware of the parking issues faced in Hulhumalé.
To overcome this, we have signed a framework agreement with Damas Company Pvt Ltd for the development and operation of a parking building inclusive of both car and motorcycle parking. pic.twitter.com/AjZGuwMxth
— HDC (@hdcmaldives) March 6, 2022
މިއީ ހުޅުމާލޭގައި ދިރިއުޅޭ މީހުންނާއި ހުޅުމާލޭގައި އެކި ބޭނުންތަކަށް ޒިޔާރަތްކުރާ މީހުންގެ އުޅަނދުތައް ޕާކްކުރުމުގައި މިހާރު ދިމާވަމުންދާ ދަތިތަކާއި މަގުތަކުގެ މަތީގައި ޕާކުކޮށްފައި ހުންނަ އުޅަނދުތައް މަދުކުރުމަށް އަޅާ ޕާކިން ބިލްޑިންއެއް ކަމަށް އެޗްޑީސީން ބުނެއެވެ.
ހުޅުމާލެ ފެރީ ޓާމިނަލްއާއި ދިމާލުން ހުންނަ އޯޝަން ފްރޮންޓްގެ ފަހަތުގައި ހަދާ މި ޕާކިން ބިލްޑިންގްގައި ސައިކަލު އަދި ކާރު ޕާކްކުރެވޭނެ ކަމަށް ވެސް އެޗްޑީސީން ބުނެއެވެ. ޕާކިން ބިލްޑިންގެ ބޮޑުމިނަކީ 36،155.97 އަކަފޫޓެވެ.
