ހިޔާ ފްލެޓްތަކުގައި ދިރިއުޅޭ މީހުންނަސް ފަސޭހައިން ޚިދުމަތް ލިބޭނެ އިންތިމު ހަމަޖެއްސުމަށް 5 ބަޔަކާއިއެކު އެޗްޑީސީން އެއްބަސްވުންތަކުގައި ސޮއިކޮށްފިއެވެ.
އެޗްޑީސީން އިއްޔެ ސޮއިކޮށްފައިވަނީ ޑައިންމޯ، މޭނާ ކޭޓަރިން، މަލަސް، މީޑިއާނެޓް އަދި އައިޖީއެޗާއި އެކުގައެވެ. ގިނަ އަދަދެއްގެ ބަޔަކު ހިޔާ ފަލެޓްތަކުގައި ދިރިއުޅެމުންދާއިރު، އެސަރަހައްދުން ގިނަ ޚިދުމަތްތަކެއް ލިބޭނެ ގޮތަށް ފަހި ފުރުސަތުތަކެއް އެޗްޑީސީން ދަނީ ތަނަވަސް ކުރަމުންނެވެ.
އިއްޔެ ވެފައިވާ އެއްބަސްވުމުގެ ދަށުން، ހިޔާ ފްލެޓް ޓަވަރު ހަތެއްގައި ޑައިންމޯގެ ކެފޭއެއް ހިންގާނެ އިރު، މަލަސް އިން ހިންގާނީ ރީޓެއިލް ފިހާރައެކެވެ.
ހިޔާ ސަރަހައްދުގެ ރައްޔިތުންނަށް ފަސޭހަކަމާއިއެކު ހިދުމަތް ފޯރުކޮށްދިނުމަށް އެޗް.ޑީ.ސީ.އިން ވަނީ 5 ފަރާތަކާއިއެކު އެއްބަސްވުމުގައި ސޮއި ކުރެވިފައެވެ. މީގެ ތެރޭގައި @DinemoreMv ، މޭނާ ކޭޓަރިންގް، މާލަސް ކެފޭ، @Medianetmv އަދި އައިޖީއެސް ހިމެނެއެވެ. #މަގޭހިޔާ pic.twitter.com/0BHA6uH7x5
— HDC (@hdcmaldives) March 3, 2022
ކޭބަލް ޓީވީގެ ހިދުމަތް ދޭ މީޑިއާނެޓްގެ އޮފީހެއް ހެދުމަށް ޓަވަރު 12 އިން ޖާގަ ދީފައި ވާއިރު، ރާއްޖޭގައި ފުރަތަމަ ފަހަރަށް ޖައްވީ މިޝަނެއް ކުރިއަށް ގެންދާ، އިންސްޓިއުޓް އޮފް ގްލޯބަލް ސަކްސެސް (އައިޖީއެސް) އޮފީހެއް ހަދަން ވެސް އެ ޓަވަރުން ޖާދަ ދީފައިވެއެވެ. އައިޖީއެސްގެ ޖައްވީ މިޝަންގެ ފުރަތަމަ އަމާޒަކީ ރާއްޖޭގެ ފުރަތަމަ ޕްރޮޓޮޓައިޕް ސެޓެލައިޓް ހަދައި ޓެސްޓް ކުރުމެވެ.
ހުޅުމާލޭ ދެވަނަ ފިޔަވަހީގައި ތަރައްޤީކޮށްފައިވާ ހިޔާ ފްލެޓްތަކުގައި ޢާއްމުން މިހާރު ދިރިއުޅެން ފެށިތާ ގިނަ ދުވަސްތަކެއް ވެފައިވާއިރު ރައްޔިތުންނަށް ބޭނުންވާ އަސާސީ ޚިދުމަތްތަކާއި ވަޞީލަތްތައް ޤާއިމުކުރުމުގެ މަސައްކަތް ސަރުކާރާގުޅިގެން އެޗް.ޑީ.ސީން އަންނަނީ ކުރަމުންނެވެ.
