އޮންލައިން މީޑިއާއަކުން އެމްޑީޕީގެ އަންހެނުންގެ ރޫހުގެ ރައީސާގެ މަޤާމަށް ވާދަކުރައްވާ ރޮޒޭނާ އާދަމްގެ އިންތިޚާބީ ހައްގަކަށް އަރައިގަތް މައްސަލައެއް ބަލަން ހުށަހަޅާނެކަމަށް އޭނާ ވިދާޅުވެއްޖެއެވެ.
އެމްޑީޕީގެ އެތެރޭގެ އިންތިޚާބުގައި ޗެއާޕާސަންގެ މަޤާމަށާއި، އަންހެންނުގެ ރައީސާގެ މަޤާމަށް ވާދަކުރައްވާ ކެނޑިޑޭޓްގެ ކެމްޕެއިން އިފްތިތާހު ކުރުމާށް ހުކުރު ދުވަހުގެރޭ ށ. މިލަންދޫގައި ބޭއްވި ޖަލްސާގައި ރޮޒޭނާ ދެއްކެވި ވާހަތަކެއްކަމަށްބުނެ އޮންލައިން ނޫހެއްގައި ލިޔެފައިވާ ޚަބަރު ދޮގުކޮށް ރޮޒޭނާ ވަނީ އެކަން ބަލައި ދިނުމަށް މައްސަލަ ހުށަހަޅާނެކަމަށް ވިދާޅުވެފައެވެ.
މިއީ ކަނޑައެޅިގެން ރައްޔިތުންނަށް އޮޅުވާލުމަށް ލިޔެފައި އޮތް ސުރުހީއެއް. އަޅުގަނޑު އެއްވެސް މީހެއްގެ އާއިލާއެއްގެ މީހަކަށް އެއްޗެއް ނުބުނަން. ލިޔާ މީހާއަށް ހީވާ އެއްޗިހި އަޅުގަނޑު ބުނި އެއްޗެއް ކަމަށް ހަދާފަ ސުރުހީ އެއް ނުލިޔެވޭނެ! މީތޯ ނޫސްވެރިކަމަކީ؟ މިމައްސަލަ ބަލަން ހުށަހަޅާނަން.
– ރޮޒޭނާ ވިދާޅުވިއެވެ.
Mee kanda elhigen Rayyithunnah olhuvaalumah liyefa oi suruhee eh. Alhugandu ehves meehegge aaila ehge meehakah ehcheh nubunan. Liyaa meeha ah heevaa ehchehi eyee alhugandu buni ehcheh kamah hadhaafa suruhee eh nuliyeveyne! Meetho noosverikamakee? Mi massala balan husha alhaanan. https://t.co/xej1oS4ZTV pic.twitter.com/lad3h7sQtl
— ???????? ???????????????????????????? ???????????????? ???? (@Roxeyna) February 26, 2022
ރޮޒޭނާ "ރައީސް ނަޝީދުގެ އާއިލި ބޭފުޅުންނަށް ބަހުގެ ހަމަލާތަކެއް" ދެއްވިކަމަށް ބުނެ ލިޔެފައިވަ މިއާޓިކަލްއާއި ގުޅިގެން އޭނާ ވިދާޅުވީ އެއްވެސް ހާލެއްގައި ވަކި އާއިލާއެއްގެ ވާހަކަ އެޖަލްސާގައި ދައްކާފައި ނުވާނެކަމަށެވެ. އޭނާ ފާހަގަކުރީ ވަކި އައިލާއަކަށް ވަކި ރަށަކަށް ބެލުމެއްނެތި ހަމަހަމަ ކަމާއިއެކު ފުރުސަތު ހޯދައިދޭ ވާހަކަ ކަމަށް ރޮޒޭނާ ވިދާޅުވިއެވެ.
އަޅުގަނޑު އެތެރޭގެ އިންތިޚާބެއްގައި ވާދަ ކުރަމުންދާއިރު އަޅުގަނޑު ބުނި ކަމަށް ބުނެ ދޮގު ޚަބަރު ފެތުރުމަކީ އަޅުގަނޑުމެން އިންތިޚާބީ ހައްގަށް އަރައިގަތުން. ވަކި އާއިލާއަކަށް ވަކި ރަށަކަށް ބެލުމެއް ނެތި ހަމަހަމަ ފުރުސަތު ހޯދައިދޭނެ ވާހަކ އަޅުގަނޑު ބުނީ. އެހެން އެކަން އޮންނާނީ.
– ރޮޒޭނާ ވިދާޅުވިއެވެ.
އަންނަ އޭޕްރީލް މަހުގެ 16ގައި ބޭއްވުމަށް އިއުލާންކޮށްފައިވާ އެމްޑީޕީގެ ޗެއަރޕާސަންގެ އިންތިޚާބާއި، އަންހެނުން ރޫހުގެ ރައީސްކަމުގެ އިންތިޚާބުގެ ކެމްޕެއިން ފޯރީގައި ދަނީ ކުރަމުންނެވެ.
