އެމްޑީޕީ ޗެއާޕާސަންގެ އިންތިހާބުގައި އެ މަގާމަށް ވާދަކުރައްވާ މާފަންނު އުތުރު ދާއިރާގެ މެންބަރު އިމްތިޔާޒު ފަހުމީގެ ޓީމު ފުވައްމުލަކަށް އަދި އިކޮނޮމިކް މިނިސްޓަރ ފައްޔާޒު ޓީމު ނ.މިލަންދޫއަށް ދިއުމަށް ދަތުރު ފަށައިފިއެވެ.
މިނިސްޓަރ ފައްޔާޒާއި، އޭނާއަށް ތައީދުކުރާ އެމްޑީޕީގެ އެހެން މަޤާމުތަކަށް ވާދަކުރާ ކެނޑިޑޭޓުންނާއި، ސަޕޯޓަރުންނާއިއެކު މިލަންދޫއަށް ފުރާފައިވަނީ މިއަދު މެންދުރުފަހުގެ ވަގުތެއްގައެވެ. މިޓީމުގައި ދައުލަތުގެ ވަޒީރުންނާއި، މަޖިލީހުގެ ގިނަ އަދަދެއްގެ މެމްބަރުންނާއި، އެމްޑީޕީގެ އިސްސަފުގެ ގިނަ މެމްބަރުންވެސް ހިމެނެއެވެ. މިއީ މިފަހަރުގެ ކެމްޕެއިންގައި ފައްޔާޒާއި ޓީމުން ގެންގުޅޭ "ހިނގާލުން" ކެމްޕެއިން ލޯންޗު ކުރުމަށް ކުރާ ދަތުރެކެވެ.
މިއިންތިޚާބުގައި ޗެއާޕާސަންގެ މަޤާމަށް ވާދަކުރާ އިންތިގެ ކެމްޕެއިން ޓީމު ފުވައްމުލަކު ސިޓީއަށް ދިއުމަށް މިއަދު މެންދުރުފަހު ވަނީ ދަތުރު ފަށާފައެވެ. އިންތި އިސްކޮށް ހުންނަވާ ކުރައްވާ މި ދަތުރުގައި މި މަހުގެ 27 ވަނަ ދުވަހުގެ ނިޔަލަށް އެ ސިޓީގައި ކެމްޕެއިން ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފައެވެ.
އިމްތިޔާޒުގެ ކެމްޕޭން މެނޭޖަރަކަށް ހަމަޖައްސަވާފައިވަނީ ރައްޔިތުންގެ މަޖިލީހުގެ ނައިބް ރައީސް އީވާ އަބްދުﷲގެ ފިރިކަލުން އަހްމަދު ޝާހިދު (ސާބެ) އެވެ. އިންތިއާއިއެކު މިދަތުރުގައި އެމްޑީޕީގެ ބައެއް މަޖިލިސް މެމްބަރުންނާއި، ރައީސް ނަޝީދާއި އަރިސް (ޒިޔައްޓޭ)ވެސް ބައިވެރިވެއެވެ.
MDP inn campaign koh, siyaasath thah ekulavaala, adhi thanfeezu koh ulheyny ves seedha rayyithu meeha kairiah gos, adu ahaa, mashvaraa kohgen.
Miadhu haveeru feshigen mi "reethi chaalu" #ThilafathugeRamzu⚖️ Campaign harakaaih thah #InthiAaEku Fuvahmulah
City gai kuriah dhaane. pic.twitter.com/jsl0Q0hIPs— Shaah (@YoosufShaah) February 25, 2022
އެމްޑީޕީގެ ޗެއާޕާސަންގެ މަޤާމަށް ފައްޔާޒު ވާދަކުރައްވާއިރު، އޭނާއަކީ މިސަރުކާރުގެ ވަޒީރުކަމުން ވަކި ކުރުމަށް ރައީސް ނަޝީދު ވަރަށް ބޮޑަށް މަސައްކަތް ކުރެއްވި ބޭފުޅެކެވެ. ރައީސް ނަޝީދު ފައްޔާޒު ސިފަކުރައްވަނީ "ބްރޯ"ގެ ގޮތުގައެވެ. ރައީސް ނަޝީދުވަނީ ބްރޯ ހެދިގެން ނޫޅެވޭނެކަމަށްވެސް ވިދާޅުވެފައެވެ. އަދި ފައްޔާޒުގެ އިތުރުބާރު ނެތްކަމުގެ ވޯޓު ނެގުމަށްވެސް މަޖިލިސް ތެރެއިން ވަނީ މަސައްކަތް ކޮށްފައެވެ.
ނަމަވެސް ފައްޔާޒުގެ ދިފާއުގައި ރައީސް ޞާލިހު ވަނީ ނިކުންނަވައި، ފައްޔާޒަށް ފުރިހަމަ އިތުބާރު އޮތްކަމަށް ވިދާޅުވެފައެވެ. ފައްޔާޒު އެމްޑީޕީގެ ޗެއާޕާސަންގެ މަޤާމަށް ވާދަކުރެއްވުމަކީ އެމްޑީޕީގައި ރައީސް ނަޝީދާއި، ރައީސް ޞާލިހުގެ އިތް ވާދަވެރިކަން ވަރަށް ބޮޑަށް ހާމަވެގެންދާނެ އިންތިޚާބެއްކަމަށް ގިނަ ބަޔަކު ދެކެއެވެ.
