އައްޑޫ ސިޓީގެ 18 މަގެއްގައި ތާރު އަޅައި ބައެއް މަގުތައް އަލުން މަރާމާތުކޮށް ރަނގަޅުކުރުމަށް އިންޑިއާގެ އެކްސިން ބޭކް ފަންޑުގެ ދަށުން ހިންގާ މަޝްރޫޢުގެ ތެރެއިން އައްޑޫ ސިޓީ ފޭދޫ މަގުތައް ހެދުމުގެ މަސައްކަތް ފަށައިފިއެވެ.
ފޭދޫ ދާއިރާގެ މެމްބަރު މުހައްމަދު ނިހާދު ވަނީ މިމަސައްކަތް ކުރަމުންދާ ފޮޓޯއަކާއިއެކު، ރައީސް ޞާލިހަށާއި، މިނިސްޓަރ ފައްޔާޒު އިސްމާއިލަށް ޝުކުރު އަދާކުރައްވާފައެވެ. އައްޑޫ ސިޓީގެ ފޭދޫގެ މަގުތައް ވަރަށް ބޮޑަށް ހަލާކުވެ ރައްޔިތުންގެ ބޮޑެތި ކަންބޮޑުވުންތަކެއް އޮތްއިރު، މަގުހެދުމުގެ މިމަޝްރޫޢުއާއިއެކު މިޝަކުވާތަކަށް ހައްލު ލިބިގެންދާނެކަމަށް ސަރުކާރުން ވަނީ ބުނެފައެވެ.
India Exim Bank fund ge dhashun #AdduCity gai AFcons aai havaalu kohgen kuriyah gendhaa magu hedhumuge masakkathuge therein #Feydhoo magu hedhumuge masakkaih feshijje!
Shukuriyyaa Raees @ibusolih
Shukuriyyaa Vazeeru @faya_i
Shukuriyyaa @HCIMaldives ???????????? pic.twitter.com/hgbUyZ15Sd— Feydhoo Meehaa (Mohamed Nihad) (@nihad_m) February 17, 2022
މިމަޝްރޫއުގެ ތެރެއިން ފުރަތަމަ ފަށާނީ ފޭދޫ، މަރަދޫ-ފޭދޫ އަދި މަރަދޫގެ ބޮޑުމަގު އެއްވަރުކުރުމުގެމަސައްކަތް ކަމަށް ކައުންސިލުން ވިދާޅުވެއެވެ. އައްޑޫ ސިޓީގެ މަގުތައް ޒަމާނީ ފެންވަރަށް ތަރައްޤީކުރުމަށް އިންޑިއާގެ ޖީކޭ ޑިވެލެޕްމެންޓާ ހަވާލު ކޮށްފައިވަނީ 2019 އަހަރު ޑިސެމްބަރު މަހުގެ 23ވަނަ ދުވަހުއެވެ. މިމަޝްރޫޢުއަށް 134 މިލިއަނަށް ވުރެ ގިނަ ރުފިޔާ ސަރުކާރުން ޚަރަދު ކުރެއެވެ.
މިނޫނަސް އައްޑޫ ސިޓީގައި ތަރައްޤީގެ ގިނަ މަޝްރޫއުތަކެއް އަންނަނީ ހިގަމުންނެވެ. މިގޮތުން 65 މަޝްރޫއެއްގެ މަސައްކަތް އެ ސިޓީގައި ކުރިއަށްއެބަދެއެވެ. މީގެއިތުރުން އައްޑޫގައި 25 ކިލޯމީޓަރުގެ މަގު ހެދުމާއި 228 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. އަދި މިމަޝްރޫއުގެ މަސައްކަތްވެސް ފެށުމަށް ތައްޔާރުވަމުންދާކަމަށްވެސް ސިޓީ ކައުންސިލުން ވިދާޅުވެއެވެ.
