ޅަ އުމުރުގައި ކިޔެވުމުގެ ފުރުސަތު ނުލިބުނު ކެންޔާގެ އުމުރުން ދުވަސްވީ އަންހެނަކު ސުކޫލަށް ދާން ފަށައިފިއެވެ.
98 އަހަރުގެ ޕްރިސްސިލާ ސިތިއޭނީ ކިޔާ މި އަންހެން މީހާ ކިޔަވަން ދަނީ އޭނާގެ މާމަ ދަރިންނާއި އެކުގައިއެވެ. މި އަންހެން މީހާ ސުކޫލަށް ދަނީ ޔުނީފޯމް ވެސް ލައިގެންނެވެ. އޭޏާ ދަނީ ގްރޭޑް 6 ކަށެވެ. ކެންޔާގެ ރިފުޓް އަވަށުގައި ހުންނަ އެ ސްކޫލަށް ދަނީ މުޅީންވެސް ކުޑަކުދިންނެވެ. އަދި އެކުދިންގެ ފަރާތުން ވަރަށް ސަޕޯޓް ލިބޭކަމަށް ވެއެވެ.
ސުކޫލުގެ އިތުރު ހަރަކާތްތަކުގައި ވެސް ޕްރިސްސިލާ ސިތިއޭނީ ބައިވެރިވެއެވެ. އަދި އޭނާ ކިޔަވަން ފެށި އެންމެ ބޮޑޫ މަގުސަދަކީ ޑޮކްޓަރަކަށް ވުން ކަމަށް ކިޔެވުމަށް ޝައުގު ހުންނަ މި އަންހެން މީހާ ބުނެއެވެ. މިހާރުވެސް އޭނާ އަކީ ފޫޅުމަޔަކަށް ވާތީ އެ ދާއިރާއިން ކުރިޔަށް ދާން ބޭނުންވާކަމަށް ބުނެއެވެ.
އިރުމަތީ އެފްރިކާގެ ގައުމުތަކުގެ ސަރުކާރުތަކުން 2003 ވަނަ އަހަރު ވަނީ ތައުލީމު އުނގަންނައިދޭ ތަންތަނުން ނަގާ ފީތަކުގެ އަގުތައް ކުޑަކޮށްފައެވެ. އެއާ އެކު އެ ގައުމުގައި ކިޔެވުމުގެ ފުރުސަތު ކުރިން ނުލިބި ތިބި އުމުރުން ދުވަސްވީ ބައެއް މީހުންނަށް ވެސް ކިޔަވަން ފުރުސަތު ލިބުނެވެ.
