ރަންބީރު ކަޕޫރާއި ޝްރައްދާ ކަޕޫރު އެކުގައި ފެނިގެން ދާނެ ފުރަތަމަ ފިލްމުގެ ޝޫޓިން އަލުން މުމްބާއީގައި ފަށައިފިއެވެ.
މި ފިލްމަކީ އަދި މިހާތަނަށް ވަކި ނަމެއް ދީފައިނުވާ، ޑައިރެކްޓަރ ލަވް ރަންޖަންގެ ފިލްމެކެވެ.
ކޯވިޑްގެ ސަބަބުން ގިނަ ފިލްމު ތަކެއްގެ ޝޫޓިންގ މެދުކަނޑާލި ނަމަވެސް އަލުން އަންނަނީ އަނބުރާ ޝޫޓިންތައް ފަށަމުންނެވެ. އެގޮތުން ލަވް ވެސް އޭނާގެ ފިލްމު ބާރު ސްޕީޑްގައި ކުރިއަށް ގެންގޮސް ނިންމާލަން ބޭނުންވެއެވެ. މީގެ ކުރިންވެސް ވަނީ މި ފިލްމުގެ ޝޫޓިންގެ ޝެޑިއުލްތަށް ކުރިއަށް ގެންގޮސްފައެވެ.
އަނެއް ކޮޅުން ލަވް އަންނަނީ ކައިވެނި ކުރުމަށް ވެސް ތައްޔާރު ވަމުންނެވެ. ދުވަސްވީ ލޯބިވެރިޔާއާ އޭނާ މި މަހުގެ 20 ގައި ކައިވެނި ކުރާނެ ކަމަށް ޚަބަރުތައް ބުނެއެވެ. އަދި ކައިވެންޏަށް ފަހު އޭނާ ކުރު ޗުއްޓީ އެއްވެސް ނަގާނެ ކަމަށް ވެއެވެ. އެހެން ކަމުން ފިލްމުގެ ވީހާވެސް ބޮޑު ބައެއްގެ ޝޫޓިން ނިންމަން އޭނާ ބޭނޫން ވެއެވެ.
